Italıanyń Syrtqy ister mınıstrliginiń basshysy Andjelıno Álfano jýyq arada G8 formaty Reseıdiń qatysýymen ótip, tyń jumystar bastalatynyna senimdi. Bul jaıynda saıasatker Máskeýge barar saparynyń aldynda habarlady.

«Taormınde ótken samıttegi G7 formaty sońǵy boldy dep úmittenem. Kelesi G8 formaty Reseıdiń qatysýymen ótetin bolady. Alaıda, bul senarı Máskeýdiń qurylymdyq jáne birlesken jumysyna baılanysty qurylady. Biz Reseıdiń halyqaralyq arenada úlken úles qosatyn senimdi seriktes atanaryna senemiz»,  - dedi Álfano RIA jańalyqtar qyzmetiniń tilshisine bergen suhbatynda.    
 

Sondaı-aq, Álfano Reseıge qarsy sektorly ekonomıkalyq sanksıanyń joıylatynyn málimdedi.

«Eki eldiń yntymaqtastyǵy nyǵaıyp, ekonomıkasyna jańa múmkindikter keletin sáttiń jaqyn arada ornaıtyny sózsiz».

Eske sala keteıik,  2014 jylǵy memleket basshylarynyń Sochıdaǵy damyǵan memleketterdiń formaldy emes klýbyna barýdan bas tartyp, Reseısiz Brússelde bas qosty. Oǵan Qyrymnyń Reseıge qosylyp, Ýkraınanyń shyǵysyndaǵy qaqtyǵystyń shıeleniskeni sebep bolǵan.