QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti memlekettik tildi nasıhattaý, qazaq tilindegi kontentti arttyrý maqsatynda «Memlekettik til jáne BAQ» respýblıkalyq konkýrsyn ótkizedi dep habarlaıdy qamshy.kz.

Konkýrs tórt nomınasıadan turady:

            1) «Úzdik maqala»;

2) «Úzdik telearna baǵdarlamasy»;

3) «Úzdik radıo baǵdarlamasy»;

4) «Úzdik saıt maqalasy».

4. Konkýrsqa memlekettik til jáne onyń damýy týraly maqalalardy jarıalaǵan (baǵdarlama qurastyrǵan) jýrnalıser qatysa alady.

Kórsetilgen tórt nomınasıanyń bireýi boıynsha ótinimdi Komıtetke 2017 jyl 15-shy mamyrǵa deıin mynadaı qujattarmen beriledi:

1) konkýrsqa qatysý týraly ótinim (osy Qaǵıdanyń qosymshasyna sáıkes nysan boıynsha);

2) 2016 jylǵy 10 maýsym men 2017 jylǵy 15 mamyr aralyǵynda memlekettik tildi nasıhattaý maqsatynda buqaralyq aqparat quraldarynda jaryq kórgen úsh materıaldy, sonyń ishinde radıo jáne telebaǵdarlamalardy, memlekettik tildegi saıttardaǵy, merzimdik baspasózdegi jarıalanǵan maqalalardy;

3) maqala jarıalanǵan gazet-jýrnaldar, saıttardyń skrınshottary, baǵdarlamalardyń DVD dıskidegi jazbasy, «Word» formatyndaǵy elektrondyq nusqasy;

4) usynylǵan materıaldardyń (siltemeleriniń) «Tilalemi.kz» portalyndaǵy «Memlekettik til jáne BAQ» aıdaryna ornalastyrylǵandyǵyn rastaıtyn qujat (skrınshottar).

Konkýrs jeńimpazdary men júldegerleri arnaıy dıplomdarmen jáne aqshalaı syılyqtarmen marapattalady.

Konkýrsqa usynylatyn materıaldar 2017 jylǵy 15 mamyrǵa deıin Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti mekenjaıyna joldanýy tıis.