UQU-niń burynǵy tóraǵasy, "memlekettik qupıany jarálaý" jáne "qyzmet babyn asyra paıdalaný" kúdigine ilingen Nartaı Dútbaevty qamaý merzimi eki aıǵa uzartylǵan dep habarlady búgin Astana sotyna silteme jasaǵan jergilikti agenttikter.

QazAqparattyń habarlaýynsha, Astananyń Esil aýdandyq №2 soty 14 naýryzda Nartaı Dútbaevty qamaý merzimin 26 mamyrǵa deıin uzartqan. Sot sonymen qatar Dútbaevpen birge qamalǵan UQK-niń burynǵy qyzmetkerleri Nurlan Hasen jáne Erlan Nurtaevtyń da qamaý merzimderin de 26 mamyrǵa deıin uzartqan.

UQK buǵan deıin Nartaı Dútbaev pen Nurlan Hasen jáne Erlan Nurtaevtyń 26 jeltoqsanda "memlekettik qupıany áshkereledi, bıligin jáne qyzmet babyn asyra paıdalandy" degen kúdikpen ustalǵanyn habarlaǵan. Olardyń úılerinde "tintý júrgizilip, zattaı aıǵaqtar tárkilengen". 28 jeltoqsanda kúdiktiler sot sheshimimen eki aıǵa qamalyp, UQK-niń tergeý abaqtysyna jabylǵan.

Aqpanda sot kúdiktilerdi qamaý merzimin naýryzdyń 26-syna deıin sozǵan edi.