Saıtymyzda «QYZYLORDA OBLYSYNDA QYZYN KÓLİK QAQQAN ANA ZAŃNAN ÁDİLDİK İZDEP ZAR JYLAP JÚR» atty maqalamyz shyqty. Onda 7 jastaǵy Káýsar Sársenbaı esimdi qyzdyń basynan ótkergen aýyr jaǵdaıy baıandalady.
Aıta keteıik, 2016 jyly Káýsar mektepten qaıtyp kele jatqanda, jolda júk kóligi qaǵyp ketedi. Kólik Kórkeıtý mekemesine tıesili. Taǵaıyndalǵan sot-medısınalyq saraptamasynyń 07.04.2016 jylǵy №29 qorytyndysy boıynsha, jasósipirim Káýsar Sársenbaı «Polıtravma. Aýyr jabyq bas mı jaraqaty. Bas mıynyń soǵylýy, 2-shi dárejesi. Julyn mıynyń soǵylýy. Bettiń, mańdaıdyń jabyq tinderi soǵylýy, jarylýy. Eki san súıekteriniń ortańǵy bóliginiń jabyq kóldeneń yǵysqan synyǵy. Segizkóz-jambas qosylymy ajyraýy, sol jaqty otyryqshy súıektiń yǵysqan jabyq synyǵy, kishi jambas saqınasynyń buzylýy. Oń aıaq basynyń soǵylǵan jaraqaty. Jaraqattyq shok, 2-shi dárejesi. Postravmatıkalyq aýyr dárejeli anemıa» degen qorytyndy shyǵarǵan. (maqalaǵa qosymsha retinde barlyq qujat berildi).
Káýsar 5 kún jan saqtaý bóliminde jatty. Operasıa jedel túrde jasalyp, 21 kúnge jetpeı, 19 kúnge tolǵanda aýrýhanadan ony shyǵaryp jibergen. Laýra Múkibaevanyń advokaty Gúlnár Álıaqbarova 21 kúnge jetpeı jábir kórgen adam aýrýhanadan shyǵyp ketse, jaraqaty jeńil bolyp sanalatynyn aıtqan.
Káýsar úıge kelgennen keıin jaǵdaıy kúrt nasharlap, aıaǵy isip ketken. Amaly taýsylǵan ana qaryzdanyp Astanada qyzynyń aıaǵyna operasıa jasatady. Dárigerler taǵy da ota jasaý kerektigin aıtyp otyr. Alaıda jalǵyz basty ana oǵan qajetti qarjyny taba almaı, qınalyp otyrǵan jaıy bar.
Káýsardyń anasy Laýra Múkibaeva Qyzylorda qalasynyń İİD rúlde otyrǵan Rýslan Qamalovtyń ústinen aryzdanǵan. Alaıda sot júrgizýshini emes, 7 jastaǵy Káýsar Sársenbaıdy kináli dep taýyp is jabylǵan.
«Qamshy» portaly Qyzylorda qalasy Qyzyljarma aýylynda bolǵan oqıǵaǵa qatysty, sot sheshimin, medısınalyq saraptamany, tergeý amaldary kezindegi materıaldardy zańgerge jiberdi.
Zańger ekspertıza júrgizýshiniń kólikti toqtatýǵa múmkindigi bolǵan joq dep naqty kórsetip turǵanyn jáne mundaı jaǵdaıda jábirlenýshige azamattyq tártipte talap aryzben sotqa júginip, mekemeden moraldyq jáne materıaldyq shyǵyndardy óndirip alý kerektigin aıtty.
«Azamattyq Kodekstiń 931 babyna sáıkes, joǵary qaýiptilik kózimen (avtokólik soǵan jatady) keltirilgen zalal sol atvokóliktiń menshik ıesinen óndiriledi. Sonymen qatar, ol úshin júrgizýshiniń kinási bolǵany nemese bolmaǵany mańyzdy emes, kinási bolmasa da zalal tolyq óniriledi» deıdi zańger.
Qazir Laýra Múkibaeva zańgerdiń keńesi boıynsha qaıta sotqa júginbek. Onyń birneshe ýaqyt alatyny anyq. Al kishkentaı Káýsardyń jaǵdaıy nasharlap barady. Jıi talyp qalady eken. Dárigerler basyna qatty zaqym kelgenin aıtady. Bir jyl buryn ǵana júgirip, oınap júrgen bala qazir ne istep, ne qoıǵanyn bilmeıtin jaǵdaılary jıi bolady eken. Dárigerler Káýsarǵa shuǵyl aıaǵyna operasıa jasaý kerektigin aıtady. Alaıda Káýsardan bólek alty aılyq balasy bar jalǵyz basty ana jumyssyz ekenin aıtady. Ashynǵan ana qaıyrymdy jandardan kómek suraıdy.
Káýsarǵa kómek kórsete alamyn degender «Qamshynyń» redaksıasyna habarlasyp kómekke muqtaj jannyń mekenjaıyn, baılanys deregin ala alady. Qosymsha Káýsar Sársenbaıdyń shotyn jazyp otyrmyz.
Halyq Bank
JSN/IIN: 810907402337
KZ 6233571092072764
Qamshyger: Ásem Álmuhanbet
