Úkimet otyrysy barysynda QR Premer-Mınıstri Baqytjan Saǵyntaev oblys ákimderiniń egis naýqanyna ázirligi týraly esepterin tyńdap, jaýapty memlekettik organdarǵa aldaǵy jumystardy júrgizý aıasynda tapsyrmalar berdi.

Premer-Mınıstr Úkimet tarapynan kóktemgi egis jumystaryn qarjylyq jáne materıaldyq-tehnıkalyq qamtamasyz etý boıynsha barlyq sheshimder qabyldanǵanyn atap ótti. Osyǵan baılanysty barlyq aýyl sharýashylyǵy jerleri tıimdi paıdalanylýy kerek. Búdjette egistik úshin qarastyrylǵan qarajat qatań túrde maqsatyna laıyq baǵyttalýy tıis, bul tuqymdardy sýbsıdıalaýǵa da qatysty.   

QR Premer-Mınıstri B. Saǵyntaev óziniń orynbasary, QR aýyl sharýashylyǵy mınıstri A. Myrzahmetovke Energetıka mınıstrligimen birlese otyryp aýyl sharýashylyǵy óndirýshilerin dızeldik otynmen qamtamasyz etý máselesin baqylaýǵa alýdy tapsyrdy. Sonymen qatar, QazAgro holdıńine aqshalaı qarajatty ýaqytyly bólý jáne aýyldyqtar úshin onyń qoljetimdiligin qamtamasyz etý tapsyryldy.