Otandyq kınolar sanyn tolyqtyratyn «Soqyr Mahabbat» atty melodramanyń shyǵýyna baılanysty búgin, Almatydaǵy Ortalyq Stadıon aldynda baspassóz konferensıasy ótti dep habarlaıdy Qamshy.kz tilshisi.

6-shy sáýirden bastap Qazaqstannyń barlyq kınoteatrlarynan "Soqyr Mahabbat" atty fılm kórsetiletini týraly habarlaǵan edik.

Ashyq aspan astynda ótken baspasóz konferensıasyna fılmdi jasaýshylar men akterler qatysyp, fılm túsirilimi týraly tanystyrdy, óz kezeginde jýrnalıser suraǵyna jaýap berdi. Ashyq alańda ótken konferensıaǵa melodramanyń bas prodúseri ári basty rolin somdaǵan Sıvı Mahmýdı men Renat Basıt, sondaı-aq ákimshilik prodúser Aıdar Batalov, akterler Serikbol Saılaýbek, Jan Baıjanbaev, Nurtas Aıdarbekov pen onyń jary prodúser Gúlzıra Aıdarbekov, aktrısa Marına Súleımenovalar boldy.

Fılm sújeti Arlan atty jigit (Renat Basıtov), taǵdyrdyń tálkeginde ábden terbelip, barsha qaıǵy-muńdy basynan keshirip,kórý múmkindiginen aıyrylǵan Anelge (Sıvı Mahmýdı) ǵashyq bolyp qalady. Alaıda birin biri qulaı súıgen eki ǵashyqqa taǵdyr tosqaýyl etken talaı synaqqa dýshar bolady. Fılm negizinen Almatyda túsirilgen. Túsirilim jumystary ótken jyly 6 sáýirde bastalǵan. Basty oqıǵasy qyz ben jigittiń arasyndaǵy aınymas mahabatty kórsetedi. Fılmdi jasaýshylar osy arqyly mahabbattyń bárin de jeńetinin kórsetkisi kelgen.

«Soqyr Mahabbat» atty soqyr qyz ben jigit arasyndaǵy sezim jaıly Fılm týraly usynysty Renat Basıt jasaǵan. «Eki jarym jyl buryn kólik apatyna túsip qaldym, ózime kelgenshe bir jarym jyldaı qınalyp jattym, sol ýaqytta osyndaı melodramalyq kıno túsirý týraly oı týdy. Taǵdyr tálkegin kórgen jannyń ómirdi jeńe alatynyn kórsetetin fılm týraly oıymdy Sıvı hanym men dostarym qoldady. Sóıtip birigip, shamamyzdyń kelgeninshe osy kınony túsirdik. Bizdi halyq qatty synamaıdy dep oılaımyn», - dedi Renat Basıt fılmge túrtki oıdyń kimnen týǵany týraly. Sıvı Mahmýdı ekeýiniń alǵashqy prodúserlik jumysy ekenin aıtqan ol, prodúserlik jumystyń eshqandaı qıyndyq týdyrmaǵanyn, ról somdaǵan óz personajy da qarapaıym ekenin jetkizdi. Fılmniń saýndtregine «Armanym-aı» atty án tańdalǵan. Án sózi Rınat Zaıtovtiki, áni Renat Basıttiń óziniki.

Basty aıta keterligi, «Soqyr Mahabbat» qazaq tilinde túsirilgen. Birli jarym oryssha sózder ketkenimen fılm tili qazaq tili. Fılmdi túsirýshiler «qazaq kınosy qazaq elinde túsken aqshasyn shyǵara almaıdy, qazaq kınosyn eshkim kórmeıdi» degendi teriske shyǵarý úshin fılm qazaq tilinde sóıletken.

Qaırat Nurtastyń ákesi Nurtas Aıdarbekov fılmde bas keıipker Arlannyń ókil ákesi ári bapkeri rolin somdaıdy. Ol osymen úshinshi fılmde ról alyp otyr, Qaırat Nurtastyń «Ókinish» atty fılminde, «Aýyl ákimi» atty fılmde ról somdaǵan. Ónerli otbasynan shyqqan Nurtas Aıdarbekov otbasynda ózi ǵana ónerdi qýmaǵanymen, kishkentaıynan ónerden alys bolmaǵanyn aıtady. Nurtas Aıdarbekov bala kezinde Orazbek Bodyqovtyń «Qanjar men Dombyra» atty 3 aktili spektaklinde ról somdaǵan. Ol «Soqyr Mahabbattyń» kóptiń kóńilinen shyǵatyn kıno bolatynyn aıtady.

Al, baspasóz ústelinde Nurtas Aıdarbekovtiń jary prodúser Gúlzıra Aıdarbekovanyń aldyndaǵy kývertkıde  «Til janashyry» degen sóz jazylyp turdy. Tanymal prodúser ózi de, Qaırat Nurtas ta múmkindiginshe qazaq tilinde suhbat berip júrgenin aıtady. «Oıymyz ósip kele jatqan urpaqtarymyz Qaıratqa qarap ónege alsa, óz tilinde sóılese» deıdi.

Marına Súleımenova fılmde basty keıipker Aneldiń qurbysy Nazymnyń rolin somdaıdy.

Basty roldi somdaǵan Sıvı Mahmýdı soqyr qyzdyń obrazyn sátti somdaı bilý úshin erekshe daıyndalǵan. Túrli kınolar kórip, mamandardyń pikirine júgingen. Tipti zaǵıp qyzdarmen de sóılesken.

Fılmniń búdjeti qanshaǵa toqtaǵanyn jasaýshylar jasyryp qaldy. Alaıda, ákimshilik prodúser Aıdar Batalov: «Adamdar árqashanda aqshamen daýys beredi» deıdi ǵoı. Prokattaǵy alǵashqy aptada fılmniń baǵasy bilinedi. Degenmen, fılmdi aqsha tabý úshin túsirmedik» dep atap ótti.

Baspasóz konferensıasy sońynda Renat Basıt: «Biz aqshany oılap otyrǵan joqpyz, qolymyzdan kelgenshe qazaq kınosyn damytýǵa úles qossaq dep kınony shyǵardyq. Meniń tańǵalǵanym, keıbir qalalar «biz qazaqsha kıno almaımyz» dep tikeleı bizden bas tartty. Men Qazaq elinde turyp jatyrmyz ba? Basqa jerde turyp jatyrmyz ba ózim túsinbeı qaldym...», - deıdi kınoprokaty týrasynda.

Al, fılmde Arlannyń tentek dosy bolyp ról somdaıtyn Serikbol Saılaýbek qazaqsha kıno almaımyz degenderge qarata:

 «Dúnıede rýhy urlanǵan,

Jyltyrǵa jany bylǵanǵan,

Qunsyzdar ketti kóbeıip,

Qaryny úshin qul bolǵan» deıdi ǵoı. Biz qarynymyz úshin jasap jatqan joqpyz, qazaq kıno ındýstrıasyn damytýǵa kóterýdi maqsat ettik. Qazaq kınosyn kórmeımiz degenderge tikeleı qarsy bolamyz, solarǵa eregeskende tek qazaq tildi kınolarǵa baramyz, sizder de qazaq tiline jandaryńyz ashysa tek qazaq tildi kınolardy kórýge baryńyzdar!», - dep otandyq kınolardy qoldaýǵa shaqyrdy. Al, prodúser Gúlzıra Aıdarbekova «Bir-birimizdiń qýanyshymyzǵa qýana bileıik, bar aqshamyzdy jınap Gollıvýdke bergenshe  qazaqsha kıno túsirip júrgenderdiń kınosyna baryp olarǵa qoldaý jasaıyq», - dedi sóz sońynda.

Aıta keter bolsaq, «Soqyr mahabbat» fılmi 6-sáýirde qalyń kórermenge jol tartady. Qazir óner ıeleri týyndynyń premerasyna qyzý daıyndyq júrgizip jatyr.

, ,