«Qazaq handyǵy» telehıkaıasynyń jalǵasy retinde qazaq handyǵynyń nyǵaıýy me damyýyna zor úlesin qosqan aıbarly Qasym han týraly tarıhı fılm túsiriledi. Bul týraly jazýshy,  «Qazaq handyǵy» telehıkaıasy senarı avtorlarynyń biri Smaǵul Elýbaı «Jas Alash» gazetine bergen pikirinde aıtqan.

 «Qazaq handyǵy jobasyna qatysty jańalyǵymyz bar. Osy tarıhı jobanyń jalǵasy retinde prezıdent N.Nazarbaev mádenıet jáne sport mınıstri Arystanbek Muhamedıulyna Qasym han týraly tarıhı fılm túsirýge tapsyrma berdi. Bizge de tapsyrma berilip, biz, senarıster, tarıhqa qaıtadan kireıik dep jatyrmyz. Bul úlken qýanysh. Qazaq handarynyń ishindegi eń myqty, aıtýly han – Qasym. Qazaqtyń qazirgi terıtorıasynyń negizin sol Qasym han kúrespen, shaıqaspen júrip qalyptastyrǵany belgili. Sondyqtan bul joba qyzyqty bolady dep oılaımyn. Qalyń kórermendi osy bir qýanyshty habarmen quttyqtap qoıaıyn dep edim» deıdi.

Onyń handyq qurǵan tusynda qazaq jeriniń shekarasy keńeıip, memlekettiń damýy, ósýi qarqyn alǵan.

 Alaıda, Qasym han týraly tarıhı kıno jobany qandaı rejıser túsiretini ázirge belgisiz.