QR Prezıdenti Nursultan Nazarbaevtyń tapsyrmasymen Qazaqstan Premer-Mınıstri Baqytjan Saǵyntaev Batys Qazaqstan oblysyna keldi.

Premer-Mınıstr baǵdarlamasynda iri ónerkásiptik kásiporyndardy, óndiristik kompanıalardy, bilim berý mekemelerin jáne turǵyn-úı nysandaryn aralaý josparlanǵan.

Kompanıalar, memlekettik organdar jáne salalyq qurylymdardyń basshylarymen kezdesý barysynda Baqytjan Saǵyntaev «Nurly jer» turǵyn-úı qurylysy baǵdarlamasynyń iske asyrylý barysyn jáne el ekonomıkasynyń, jalpy qurylys salasynyń keleshegin talqylaıdy. Budan ózge, «Atameken» Kásipkerler palatasynyń óńirlik keńesimen jáne Batys Qazaqstan agrarlyq-tehnıkalyq ýnıversıtetiniń stýdentterimen iskerlik keńes ótkizý josparlanǵan.

Aıta ketý kerek, Batys Qazaqstan oblysy respýblıka úshin mańyzdy ónerkásiptik mańyzǵa ıe. Óńirdiń munaı jáne gaz óndirý, munaı ónimderin qaıta óńdeý, mashına jasaý kásiporyndary, metalýrgıa, qorǵanys, taý-ken óndirisi, tigin jáne azyq-túlik salalarynda ónerkásibi bar.

Eske sala keteıik, QR Premer-Mınıstri elimizdiń óńirlerine jumys saparlaryn jalǵastyrýda. Buǵan deıin Baqytjan Saǵyntaev jumys saparymen Shyǵys Qazaqstan oblysyna barǵan bolatyn.

QR Premer-Mınıstri Baqytjan Saǵyntaev Batys Qazaqstan oblysynda «Nurly jer» baǵdarlamasynyń júzege asyrylý barysy men sapasyn tekserdi

Baqytjan Saǵyntaev Batys Qazaqstan oblysyna jumys sapary barysynda «Nurly Jer» baǵdarlamasy aıasynda turǵyzylǵan turǵyn úılerdi aralady.

Nysandardy aralaý barysynda B. Saǵyntaev turǵyn úılerdiń sapasyn tekserip, «Nurly Jer» baǵdarlamasyn iske asyrý boıynsha ári qaraıǵy josparlar týraly esepti tyńdady. Budan ózge, Premer-Mınıstrge Oral qalasynyń eski apatty úılerin qulatý boıynsha memlekettik-jekeshelik áriptestik jobalary tanystyryldy.

Óńirdegi alǵashqy kóppáterli úıler úıqurylysy kombınaty tehnologıasy boıynsha turǵyzylady. Onyń artyqshylyǵy – úıler salystyrmaly túrde jyldamyraq turǵyzylady. Mysalǵa, 72 páterli úı 1,5-2 aıdyń ishinde turǵyzylady. Sonymen qosa, qurylys jumystaryna otandyq materıaldardyń joǵarǵy paıyzy, zamanaýı jabdyqtar qoldanylady.

Aıta ketý kerek, Memleket basshysy Qazaqstannyń úshinshi jańǵyrýy atty QR halqyna Joldaýynda otandyq ekonomıkanyń tolyqqandy draıverine aınalýǵa tıisti qurylys sektoryn damytý týraly mindet qoıdy. Osy oraıda Úkimet qurylys pen qurylys materıaldary óndirisin jańa tehnologıalar transfertimen qamtamasyz etý boıynsha belsendi jumystar júrgizýde.

«Nurly Jer» turǵyn úı baǵdarlamasyn iske asyrý mańyzdy mindet – aldaǵy 15 jylda 1,5 mıllıon otbasyn turǵyn úımen qamtamasyz etý mindetiniń sheshimin tabýǵa baǵyttalǵan.