2014 jylǵy 15 qyrkúıektegi jaǵdaı boıynsha jergilikti atqarýshy organdardyń janyndaǵy komısıalarǵa múlikti jarıa etýge respýblıka boıynsha jalpy somasy 5 728,1 mln. teńge bolatyn 976 ótinish kelip túsken. Bul týraly Qarjy mınıstrligi habarlady.

Jalpy somasy 5 478 mln. teńgege 1 053 jyljymaıtyn múlik nysany boıynsha ótinish túsken. Onyń ishinde 250,4 mln. teńge 8 zańdy tulǵanyń úlesinde.

Jarıa etý jónindegi aksıanyń alǵashqy 15 kúninde eń kóp ótinish Almaty qalasynan bolǵan. Almatylyqtar jalpy somasy 3 690 876 myń teńgege 367 ótinish bergen. Azamattardyń belsendiligi boıynsha, ekinshi orynda Qostanaı oblysy. Onda - múlikti jarıa etýge jalpy somasy 44 315 myń teńgege 107 ótinish túsken. Úshinshi orynda Almaty oblysy, jalpy somasy - 476 160 myń teńgege 96 ótinish túsken. Múlikti jarıa etýge eń az ótinish bergen Mańǵystaý oblysy, onda bar-joǵy 1 ótinish.

2014 jylǵy 15 qyrkúıektegi jaǵdaı boıynsha, QR aýmaǵynan tys jerdegi múlikti jarıa etýge salyq organdaryna ótinish túspegen.

QR Ulttyq Banki esebiniń derekteri boıynsha, ekinshi deńgeıdegi bankterde 2014 jylǵy 12 qyrkúıektegi jaǵdaı boıynsha, aqshany jarıa etýge jalpy somasy 170 mln. teńgege 2 jınaq shoty ashylǵan. Bul somadan 300 myń teńgeden «Múlikti jarıa etkeni úshin alym» kody boıynsha búdjetke 30 myń teńge tústi», - delingen mınıstrliktiń habarlamasynda. 

Qamshy-aqparat