Artýr óz betinshe shuńqyrdan shyǵýǵa tyrysqan, alaıda, nátıjesiz boldy.

4 jasr bala úsh kún boıy tereńdigi 2 metr bolatyn shuqyrda bolǵan, dep jazady Qamshy AA.

Informburo.kz portalynyń málimetinshe, úıinen shyǵyp ketken bala adasap qalady. Artýrdyń anasy mas kúıde bolǵandyqtan polıseı qyzmetkerleriniń suraqtaryna mardymdy jaýap bere qoımaǵan.

«16 sáýirde bala úıinen shyǵyp, adasyp ketken. Balanyń joǵalǵany jaıynda aqparat 18 sáýirde saǵat 21.00-de keldi, aqparat bergen balanyń 42 jastaǵy anasynyń birge turatyn qurbysy. Anasy eshteńeni túsindirýge shamasy kelmedi, sebebi, iship alǵan. Balany izdeý úshin 300 polıseı men áskerı qyzmetkerler jiberildi. 19 sáýirde, saǵat 8.30-da Artýrdy áskerı-tehnıkalyq mektep mańyndaǵy shuńqyr ishinen tabylǵan. Qýanyshqa oraı, bala tiri. Ony tapqanymyzda, Artýrdyń qarny ash boldy, ári qatty shóldep qalǵan», dedi Pavlodar oblystyq İİD baspasóz hatshysy Baıan Maǵzumova.

Balaǵa sol sátte-aq medısınalyq kómek kórsetildi. Aýyr jaraqat almaǵan. Densaýlyǵyn teksertý úshin oblystyq balalar aýrýhanasyna jetkizldi.

18 sáýirde Artýr 4-ke toldy. Polıseılerdiń habarlaýynsha, anasyna qatysty «Ata-ananyń bala tárbıeleý boıynsha mindetterin oryndamaýy» jáne «Kámelet jasqa tolmaǵan balalardy tárbıeleýde mindetterdiń oryndalmaýy» baptary boıynsha is qozǵaldy.

Analyq quqyqtan aıyrý jóninde aqparat arnaıy komısıaǵa jóneltiledi.