Qazaq ánshileriniń ishinde eń kóp tabys tabatyn Qaırat Nurtas. Bul týraly ztb.kz saıtyna silteme jasap NUR.KZ jańalyqtary jazyp otyr.
25 jasynda ol 9 álbom shyǵaryp úlgergen Qaırat Nurtasy Forbes málimeti boıynsha $2,04 mln tabys taýypty. Qaırattyń bir toıǵa shyǵýy $7000 turady. Endi ol óziniń brendtik áýe júıesin iske qosýdy qolǵa alýdy josparlap júrgen kórinedi.
Ekinshi orynda eldiń súıikti toby – "Mýzart" toby. Qazaq estradasynda júrgenine 13 jyl bolǵan toptyń toıdaǵy gonorary - $6000-dy quraıdy.
Jaqynda ǵana Almatyda dúrkiretip konsert bergen Qydyráli men Qaraqat tabysty ánshiler tiziminde úshinshi orynda . Tórt uldy tárbıelep otyrǵan ata-ana ánnen bólek oıynshyqtardy shyǵarýdy da jolǵa qoıǵan. Sonymen qatar, Qydyráli Bolmanov "Ulytaý" tobyna da prodúserlik etedi. Juldyzdy juptyń toıdaǵy gonorary – $6000.
Mádına Sádýaqasova tabysy jónine tórtinshi orynda. Ol toıda án shyrqaǵany úshin $5000 talap etedi. Besinshi orynda Dilnaz Ahmadıeva, altynshy satyda Lıdo ornalasqan.
Tabysty ánshiler arasynda "Rıngo" toby jetinshi satyǵa taban tiregen. Toptyń jyldyq kirisi $576 myńǵa teń. "Keshú" toby segizinshi, "Jigitter" kvarteti toǵyzynshy orynda. Qyzdar men erlerden quralǵan bul eki toptyń toıda óner kórsetýi $5000-ǵa baǵalanady. Al tabysy mol ánshilerdiń úzdik ondyǵyn Álı Oqapov túıindegen. Álı toıda qonaqtardyń kóńilin kóterip, óner kórsetýi úshin 4000 AQSH dollaryn suraıdy.
Qamshy-aqparat
