Qazaqstan sabannan elektr qýatyn óndiretin bolady

    Assem Almuhanbet
    Qazaqstan sabannan elektr qýatyn óndiretin bolady

    Búgin Vıse-premer A.Myrzahmetov Macau Legend Development Ltd qytaılyq kompanıasynyń basshylarymen kezdesti dep habarlaıdy Qamshy aqparattyq agenttigi QR ASHM Baspasóz qyzmetine silteme jasap.

    Qytaılyq kompanıa Qazaqstan jerinde quny 300 mln. AQSH dollaryn quraıtyn sabandy qaıta óńdeý kásiporynyn qurmaqshy. Bul kásiporyn qurylysynyń arqasynda 500-ge jýyq qazaqstandyq jańa jumys ornymen qamtylady dep josparlanýda. Barlyq qarjylyq salymdardy qytaılyq tarap ınvestısıalaıdy.

    Atalǵan kásiporyn jobasynyń qýattylyǵy jylyna 10 mln. tonnany quraıtyn suıyq jáne qatty organıkalyq tyńaıtqyshtardy óńdirýge múmkinshilik týdyrady dep josparlanýda. Sonymen qosa, zaýytta kólemi 5 myń kýb.metr quraıtyn metan gazyn óndirse, sol arqyly 120 mln kVt elektr qýatyn, 70 myń tonna bıologıalyq lıgnındi Qytaı, Eýropa elderine eksporttaý múmkindigi paıda bolady. Sonymen qatar, zaýyt kúndelikti 20 myń tonna sapaly qaǵaz óńdeýge qajetti selúloza shıkizatyn shyǵara alady. Al atalǵan kompanıanyń Qazaqstanǵa qoıyp otyrǵan talaby – jylyna 500 myń tonna shıkizatpen, ıaǵnı sabanmen qamtamasyz etý.

    Anyqtama: Bıologıalyq lıgnın – kóptegen kásiporyn men medısınada qoldanylatyn baǵaly hımıalyq shıkizat.

    Aıta ketetin jaıt, A.Myrzahmetov jaqynda Qytaı eline jumys saparymen baryp, birneshe kelisimderge qol jetkizip, bıznes qaýymdastyq ókilderimen kezdesken bolatyn. Sol kezdesýde Macau Legend Development Ltd kompanıa basshylarymen aldyn-ala kelissózder júrgizilgen. Endi araǵa ýaqyt uzatpaı, Qytaı tarapynan iri kompanıanyń kelip, ınvestısıa salýǵa nıet bildirýi ekijaqty kelisimniń naqty nátıjesin kórsetip otyr.

    Qatysty Maqalalar