Zelenovka mekeniniń turǵyndary apat týraly jaq ashpaýǵa májbúrlep, qorqytqandyǵyn aıtyp berdi dep habarlaıdy Qamshy aqparattyq agenttigi informburo.kz-ke silteme jasaı otyryp. Biraq turǵyndardyń joǵaltqandary kóp bolǵandyqtan qoryqpaıtyndyqtaryn jetkizdi.
Qarasý aýdanyndaǵy Zelenovka mekenin osyǵan deıin 2 ret sý basqan kórinedi. Alǵashqysy 15-17 sáýir aralyǵynda, ekinshisi 18-19 sáýir aralyǵynda oryn alǵan eken. Turǵyndardy osyǵan deıin osy úlken aýmaqty qamtyǵan apat týraly jaq ashpaýǵa májbúrlegen, biraq qarapaıym halyqtyń joǵaltqandary kóp bolǵandyqtan bul týraly aıtýdy jón sanaǵan.
Osy apattan keıin 43 úı sý astynda qalǵan, 5 úıdi qalpyna keltirý múmkin emes eken.
«Sońynda bizdi kináli etip shyǵardy»,- deıdi jergilikti turǵyn Andreı Maksımov. «15 –sáýir kúni apat bolýǵa 3 saǵat qalǵan kezde apattyń bolatynyn aıtyp, eskertý jasaǵan. Bİraq bizge dál osyndaı úlken aýmaqty qamtıtynyn aıtqan joq. Buryn bundaı oqys oqıǵa bolǵan emes. Meniń úıim terezesine deıin sý basty. Úlken shyǵynǵa ushyradym»,- dep suhbat berdi.

Anreı Maksımovtyń úıin qalpyna keltirý múmkin emes. Úı ıesi úıdi buzyp, paıdaǵa asatyn qurylys materıaldaryn ǵana qoldanýdy josparlap otyr.
«Men osynyń barlyǵyn vıdeoǵa túsirip, ǵalamtorǵa jarıaladym. Biraq vıdeony joq qylyp tastapty. Turǵyndar qorqady. Osy jerdiń ákimi kelip eshqaıda habarlamaýdy, jarıalamaýdy buıyryp, qadaǵalap otyr. Al men odan qoryqpaımyn, sebebi meniń joǵaltqanym az emes»,- dep ashyna suhbat berdi Andreı Maksımov.


18-sáýir kúni Qostanaı oblysynyń ákimshiligi apattyń turǵyndar aıtqandaı úlken aýmaqty qamtymaǵandyǵyn aıtqan bolatyn. Osy apattan ákimshiliktiń sanaǵy boıynsha 22 úı zardap shekken. Al Qostanaı oblysynyń ákimi Arhımed Mýhambetov shyǵynnyń 200 mln teńgeni quraıtyndyǵyn málimdedi. Zardap shekken turǵyndarǵa bul qarajat kelesi aptadan bastap beriletin bolady.