Almatyda kólik bógelisine sebep bolǵan marafon ótti

    Nurgali Nurtay
    Almatyda kólik bógelisine sebep bolǵan marafon ótti

    Búgin Almatyda qaıyrymdylyq maqsatta «Almaty marafony» ótti dep habarlaıdy Qamshy aqparattyq agenttigi.  Marafon Prezıdent Saıabaǵynda túski saǵat ekige deıin jalǵasady.

    Altynshy ret ótken marafonǵa qatysýǵa álemniń 40 elinen 15 myńnan asa adam ótinish bildirgen. Bul byltyrǵy jylmen salystyrǵanda 20%-ǵa kóp. Onyń myńǵa jýyǵy bala. Marafonnan túsken qarjy 6 arnaýly balalar mekemesine sporttyq buıymdar satyp alýǵa jumsalmaq.

    Alǵashqy ret 2012 jyly ótkizilgen Almaty marafony 42,195 shaqyrymdy quraıdy. Bul joly da marafonǵa birqatar óner juldyzdary, sport sheberleri qatysty. Marafonnyń ashylýynda Almaty qalasynyń ákimi Baýyrjan Baıbek pen velosporttan Olımpıada chempıony Aleksandr Vınokýrov qatynasyp, bul marafonnyń buqaralyq sportty damytýda mańyzy zor ekenin atap ótti.

    Almatyda ótken marafonǵa aýaraıy da qońyrsalqyn kúıde jaqsy áserin tıgizdi. Alaıda, kólik júrgizýshileri renjýli. Marafonǵa baılanysty birqatar kóshe men dańǵyl baǵyttary jabylatyny ınternet betterinde habarlanǵanymen, memlekettik arnalarda, jergilikti Almaty arnasynda habarlanbaǵan. Soǵan oraı Abaı dańǵyly men Sátbaev kóshesinde jáne qılystarynda aıtarlyqtaı kólik bógelisi oryn aldy.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025