«Alǵa» qozǵalysynyń negizin qalaýshy, burynǵy ekonomıka mınıstri Emmanúel Makron jáne «Ulttyq maıdan» kóshbasshysy Marın Le Pen jeksenbi kúni ótken prezıdenttik saılaýdyń birinshi týryndaǵy jeńisterin toılady, dep habarlaıdy QazAqparat jergilikti BAQ-qa silteme jasap.
Fransıa İİM jarıalaǵan aldyn ala málimetterge súıensek, 97% búlletenniń esep qorytyndysy boıynsha, 23,86% daýys jınaǵan Makron kósh bastap tur, al Marın Le Pen - 21,45% nátıjesimen ekinshi orynda. Dúısenbi kúni eki kandıdat - Emmanúel Makron men Marın Le Pen arasynda saılaýaldy naýqannyń jańa kezeńi resmı túrde bastalady. Sheshýshi daýys berý zańǵa sáıkes, alǵashqy týrdan eki apta ótken soń - 7 mamyr, jeksenbi kúni ótedi.