Tájikstannyń buqaralyq aqparat quraly endi Tájikstan prezıdenti Emomalı Rahmon týraly jazǵanda onyń barlyq laýazymyn qosa ataýy qajet. Iaǵnı álemniń jáne ulttyq birliktiń negizin qalaýshy - Ult kóshbasshysy laýazymy mindetti túrde prezıdenttiń esimimen qatar aıtylýy kerek dep jazady Qamshy aqparattyq agenttigi centralasian.org-qa silteme jasap.
Memlekettik basylymnyń birinde jumys isteıtin jýrnalıs prezıdent týraly jazǵanda «Djanobı Olı» jáne «Ult kóshbasshysy» dep qosatynyn habarlaǵan. Jańa zań qabyldanyp, oǵan sáıkes prezıdent laýazymyn tolyq jazý mindetteldi. Iaǵnı, prezıdent týraly aıtqanda nemese jazǵanda mindetti túrde «Álemniń jáne ulttyq birliktiń negizin qalaýshy - Ult kóshbasshysy» dep qosý qajet.
Tájikstannyń memlekettik radıo dırektory Farrýh Zıóev, Emomalı Rahmon esimi resmı qujatta atalǵanda «Álemniń jáne ulttyq birliktiń negizin qalaýshy - Ult kóshbasshysy» dep aıtý zańmen bekitilgen jáne jýrnalıser zańǵa moıynsyný kerektigin aıtady.
Tájikstannyń Qylmystyq kodeksinde prezıdenttiń laýazymyna til tıgizgenderge qatysty jaza qarastyrylǵan.