Jynysyn aýystyrǵan daǵystandyq jigitti ákesiniń ruqsatymen aıýandyqpen óltirdi

    Nazerke Labihan
    Jynysyn aýystyrǵan daǵystandyq jigitti ákesiniń ruqsatymen aıýandyqpen óltirdi

    Jynysyn aýystyrǵan daǵystandyq jigitti ákesiniń ruqsatymen aıýandyqpen keskilep, óltirip tastady dep habarlaıdy Qamshy aqparattyq agenttigi dalaaadno.ru/-ǵa silteme jasap. Daǵystandyq turǵyn Adam Alıev óz jynysyn aýystyryp, Raına atty qyzǵa aınalady. Sonymen birge ol nekesin qıdyryp, toıdan keıin óz súıiktisimen birge turady. Birneshe kúnnen keıin ákesiniń ruqsatymen ony aıýandyqpen keskilep, óltiredi.

    25 jastaǵy Adam Máskeý qalasyna jumys barysymen kettim dep, óz jynysyn aýystyrý úshin operasıa jasaıdy. Ol óziniń Vıktor atty ǵashyǵy úshin jynysyn aýystyrǵan. Qos jup Daǵystanda toılaryn jasap ta úlgergen. Osy toıdan keıin ákesi telejýrnalıstterge bylaı dep suhbat beredi: «Meıli, óltire bersin. Osynda alyp kelip, meniń kózimshe óltirińder».

    Reseılik BAQ ókilderiniń aıtýynsha Raına polısıa qyzmetkerlerine ózin óltiremiz dep qorqytyp júrgenin eskertken eken. Adam Alıevtiń ulty sheshen, Daǵystandaǵy musylman otbasynda dúnıege kelgen.

    «Onyń qyz sıaqty qylyqtary úshin  bári jek kóretin. Men ony tanıtynmyn. Ol jabysyp turatyn kıim kıgendi unatatyn. Onyń júris-turysy da, tipti daýysy da qyz sıaqty boldy. Ol mektep bitirgennen keıin Mahachkalada turdy, sosyn Máskeýge túngi klýbta jumys jasady. Onyń ol jerdegi tabysy da jaqsy edi. Men ony kinálaı almaımyn. Onyń boıyndaǵy tabıǵaty jeńdi de, ol qatelikti jóndeý úshin jynysyn aýystyrdy. Biraq Kavkazdaǵy kez-kelgen jigit ony óltirgisi keletin. Bizdiń dástúr boıynsha, bul jaǵdaı onyń otbasy úshin de, búkil Kavkaz úshin de abyroı ákelmeıdi»,- dep eske alady tanysy Abdýtagýr Izrapılov. 

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025