Elbasy Nursultan Nazarbaev Dımash Qudaıbergenmen kezdesip, óz batasyn berdi, dep habarlaıdy Sputnik Qazaqstan.
Elbasy Qazaqstan halqy Assambleıasynyń kezekti sesıasyna sál keshigip qaldy.
"Dımash Qudaıbergen degen balamyzdy qabyldap, batamdy berip, keshigip qaldym sizderge", — dedi Memleket basshysy.
"Batamdy bergenmen birge, qazaq degen halyq óte jaqsy kórgennen qushaǵyna qysyp, óltirip jiberýi múmkin. Sodan baıqa dedim", — dedi Nazarbaev.
Qazaq ánshisi Dımash Qudaıbergen "Singer-2017" baıqaýy barysynda Qytaıda asa tanymal boldy. Úsh aıǵa sozylǵan án dodasynda Dımash 14 kezeńdi sátti baǵyndyryp, ekinshi oryn aldy. Baıqaý barysynda ol birneshe marapatqa ıe boldy. "17th Top China Music Awards" sharasynda "Halyqaralyq deńgeıdegi tanymal ánshi" júldesin ıelendi. Sondaı-aq Azıadaǵy eń bedeldi China Top music Awards syılyǵynyń "Azıanyń eń tanymal ánshisi" nomınasıasynda jeńiske jetken bolatyn.