Qaıǵyly oqıǵa Mahambet aýylynda oryn alǵan. Kishkentaı búldirshin baqsa balalarmen birge Oral jaǵasynyń qulama jarynda oınap júrgen. Kenetten jer opyrylyp, 2,5 jasar bala sýǵa túsip ketti. Ol tunshyǵyp, batyp ketti, dep habarlaıdy Qamshy aqparattyq agenttigi óńirlik Moı gorod basylymyna silteme jasap.
«Oqıǵa ornyna bizdiń aýdandyq bólimsheniń úsh qyzmetkeri bardy. Saǵat 10.25-te balanyń denesi sýdan shyǵaryldy», — dep habarlady basylymǵa "ZRAOSO" MM jetekshisi Baqtıar Qadyrhanov.
Oqıǵanyń kýágeri bolǵan jergilikti turǵyn qutqarýshylardy shaqyrǵan.
«Er adam balalardyń jan daýysyn estip, búldirshindi qatty aǵys ózenniń ortasyna alyp bara jatqanyn kóredi. Bizdiń beket ol jerden shamamen 500 metrde ornalasqan. Qutqarýshylar motor qaıyǵymen baryp, balany alyp shyǵyp, qutqarmaq bolady, ókinishke qaraı, keshigip qaldy», — dedi Qadyrhanov.