... (Senat depýtattaryn saılaýdyń qarsańynda)

«Bolys boldym minekı

Bar malymdy shyǵyndap

Túıede qom, atta jal,

Qalmady elge tyǵyndap». ABAI.

Ákim boldym minekı

Bar baılyqty shyǵyndap.

Dollar, teńge qalmady

Joǵaryǵa tyǵyndap.

Eki-úsh jyldaı otyrsam,

Qaıtaram-ǵoı «syǵymdap».

Birinshisi- ámánda,

Aýystyrdym komanda.

Ár orynǵa keminde

Júz myń dollar jaman ba?

Ekinshisi-jer sattym,

Paıdasy kóp maǵan da,

Paıdasy kóp «oǵan da».

Ketkenimdi toltyram

Birer jylda osylaı,

Para, «syılyq» alamda.

Ulyqtarym sóz aıtsa,

Momaqanmyn mólıgen.

Záre-qutym qashady

Qoryqqandaı ólimnen.

Qara halyq sóz aıtsa

Tyńdamaımyn «pysqyrmaı».

Aryzy men syndaryn,

Júre berem «qystyrmaı».

«Kók úıden» kelse «kókeler»

Maqtaýymdy asyram.

«Bylyq» penen « shylyqty»

Bildirtpeımin jasyram.

Baǵa ketti sharyqtap,

Qylmys degen kóbeıdi,

Jumysy joq ash halyq,

Urlyq qylmaı ne jeıdi?..

Esep berem ótirik,

Halqym meniń «qaryq» dep.

«Kıimi kók,qarny toq»,

Kósheleri jaryq dep.

Alla-qudaı jar bolsa,

Astanada «krysham»,

Aman- esen bar bolsa,

Ábden baıyp alǵan soń,

«Qoıny-qonshym» tolǵan soń,

Parlamentke baramyn,

Aılyǵyma buıyrsa,

Bir mıllıon alamyn.

Bir de uıyqtap, bir de oıaý,

«Artty qysyp» otyram.

«Qalaýly» bop halqyma,

Depýtat bop «qatyram»!

Aımuhanbet Beısembekov