Eki eldiń basshylary telefon arqyly biraz máseleniń túıinin sheshti.
AQSH prezıdenti Donald Tramp pen Reseı prezıdenti Vladımır Pýtın jarty saǵat kóleminde telefonmen sóılesip, Sırıadaǵy qaqtyǵysty talqylady, dep habarlaıdy Qamshy aqparattyq agenttigi Kremldiń baspasóz qyzmetine silteme jasap.
Aq úı eki el basshysy Sırıadaǵy soǵysty, Taıaý Shyǵystaǵy terorızmdi joıýdaǵy birlesken jumystardy jáne Soltústik Koreıadaǵy qaýipti jaǵdaıdy retteýdiń tıimsdi joldaryn talqylaǵanyn habarlady. Tramp ákimshiligi Vashıngton 3-4 mamyrda Astanada ótetin Sırıa jónindegi kelissózge ókilin jiberetinin de habarlady.
Kremldiń málimdemesi boıynsha, prezıdentter Sırıadaǵy qaqtyǵysty toqtatý úshin AQSH memlekettik hatshysy Reks Tılerson men Reseı syrtqy ister mınıstri Sergeı Lavrov arasyndaǵy yntymaqtastyqty keńeıtýge kelisken, sondaı-aq, Pýtın men Tramp 7-8 shildede Gambýrgte ótetin "Úlken jıyrmalyq" elderiniń samıtinde jeke kezdesý ıdeıasyn qoldaǵan.
