Qamshynyń hat qorjynyna kópbalaly ana Álıa Sadyrbaevanyń atynan hat kelip tústi. Álemdi ózgertkiń kelse, ózińnen basta degen ustanymmen kelisetin Álıa hanymnyń barsha Qazaqstan jurtshylyǵyna tastalǵan úndeý hatyn orys tilinen qazaqshaǵa aýdaryp oqyrman nazaryna usynamyz.
Qymbatty dostar!
Men QR Parlament Senatynyń depýtattyǵyna ózimniń kandıdatýramdy usynamyn dep sheshim qabyldadym.
«Sizder halyq qalaýlaryn synaǵandy unatasyzdar, endeshe ózderińizge suraq qoıaıyn: «Olardy saılaǵan kim?». Saılaýshylar saılaǵan. Demek Máslıhat arqyly depýtattyqqa janama túrde saılaısyzdar. Talap etińizder. Kóńilden shyǵatyn azamattardy saılańyzdar»... – Birǵanym Áıtimovanyń bul sózderi kúldirtti de, jylatty da. Birǵanym hanymnyń alǵashqy oıy kóp talqyǵa tústi de, túıini nazarǵa alynbady.
Shyn mánisinde, depýtat hanymnyń aıtqany durys. Máslıhat depýtattaryn saılaıtyn ózimizbiz. Qazir saılaý durys uıymdastyrylmady, durys tańdalynbady dep áńgime órbitkim kelmeıdi. Alaıda olardyń qandaı senatordy nelikten tańdaǵanyn suraýǵa quqyǵymyz bar.
Sonymen qatar Senatta otyrǵa 47 azamattyń jartysy nelikten zeınet jasyndaǵylar dep te suraı alamyz. (23 adam – 63-72 jylǵylar).
Olar depýtat bolyp ne istep otyr? Serik Aqylbaev esimdi senator (aıtpaqshy, Qaraǵandy oblysynyń týmasy) jaqynda úkimet saǵaty barysynda kóliktiń kóptiginen óz úıine ýaqytynda jete almaıtyndyǵyn aıtyp alańdady.
Biz saılaǵan Máslıhat depýtattary Senatqa jasaryn jasap, asaryn asaǵan azamattardy nelikten saılaıdy? Menińshe, olar beınettiń túbi zeınettiń rahatyn kórip, bala-shaǵa, nemere-shóbereniń jetistigine qýanyp, úılerinde otyrýy tıis sıaqty. Atalmysh aımaqta óz qalasynyń, eldimekeniniń máselesin qaýzaı alatyn, jerlesteriniń jan aıqaıyn respýblıkalyq deńgeıde másele qylyp kótere alatyn basqa azamattar qalmaǵan ba?
Jaqynda Senatta saılaý bolmaq. Prezıdenttiń buıryǵy boıynsha saılaý ústimizdegi jyldyń 28 maýsymyna belgilendi. Demek saılaýǵa eki aıdan az ýaqyt qana qaldy.
Depýtattarǵa kóńili tolmaǵan barsha azamattarǵa óz is-áreketterimen azamattyq pozısıany dáleldeıtin kez jetti degim keledi.
Sol sebepti bul máselege beıjaı qaramaıtyn óz eliniń patrıottaryn ózderiniń Máslıhat depýtattaryna kimdi Senatqa saılaısyz dep suraýlaryn ótinemin. Parlamenttegi jumysty keleside synǵa almas úshin Máslıhat depýtattarynyń jaýapkershiligin kúsheıtý, olardan túsinikteme talap etý óz qolymyzda.
Óz kezegimde dostarymnyń keńesi, ótinishi boıynsha óz-ózimdi QR Parlament Senatynyń depýtattyǵynyń kandıdattyǵyna usynamyn.
«Sheshingen sýdan taıynbas» demekshi Qaraǵandy oblysynyń atynan QR Parlament Senatynyń depýttattyǵyna kandıdatýramdy usyný boıynsha tirkelý jumystaryn bastaımyn.
Dostar, ózderińizden qoldaý kútemin!
Kishi Djordj Býshtyń myna sózderin keltire keteıin: Sizder sınızm saıasatynan sharshasańyzdar meniń kampanıama qosylyńyzdar.
Álıa Sadyrbaeva,
Qaraǵandy qalasynyń turǵyny, qoǵam qaıratkeri, «Atameken» QR Ulttyq kásipkerler palatasynyń Qaraǵandy oblysy boıynsha tóraǵasy, «Kúmis Alqa» marapatymen madaqtalǵan kópbalaly ana
Aýdarǵan: Jazıra Baıdaly
