Almaty qalasy Almaly aýdandyq soty «Almatylyq atqysh» Rýslan Kúlekbaevtyń aýdandyq ishki ister bólimine jasaǵan shabýyly kezinde salǵyrttyq pen áreketsizdik tanytqany úshin aıyptalyp otyrǵan úsh burynǵy polıseıge qatysty qylmystyq isti tyńdaýǵa kiristi.

Bul týraly Qamshy aqparattyq agenttigi habarlaıdy Sputnik Qazaqstan agenttiginiń málimetine súıenip.

Almaty qalasy Almaly aýdandyq ishki ister bóliminiń basshysy Asqar Bolatov pen onyń qol astyndaǵy eki qyzmetkeri Qaırat Amanjolov pen Syrym Baımeńdıev 2016 jylǵy 18 shildede bolǵan Almatydaǵy teraktige qatysty atyshýly qylmystyq istiń fıgýranttary atandy.

«Almatylyq atqysh» Kúlekbaev ólim jazasyna kesildi. Sottyń baspasóz qyzmeti Sputnik Qazaqstan saýalyna bergen jaýabynda habarlaǵandaı, Asqar Bolatov, Qaırat Amanjolov pen Syrym Baımeńdıev qyzmeti kezinde áreketsizdik pen salǵyrttyq tanytty degen aıyppen sot aldyna keldi. Eki otyrystan keıin Almaty qalasy Almaly aýdandyq sotynyń qaýlysymen basty sot talqylaýyn taǵaıyndaýǵa kedergi keltiretin qylmystyq-prosestik zańnamaǵa qatysty kemshilikter joıylý úshin qylmystyq is prokýrorǵa qaıtaryldy. Úsh aıyptalýshyǵa qatysty bultarpaý sharasy burynǵydaı qala beredi: Bolatov kepilmen qamaýdan bosatylǵan, Amanjolov pen Baımeńdıev eshqaıda shyqpaýǵa qolhat jazyp bergen.

Terakt jasalǵan kezde Bolatov Almaly aýdandyq ishki ister bólimin basqarǵan bolatyn, biraq keıinirek qyzmetten bosatylǵan edi.