Almatydaǵy Tuńǵysh Prezıdent qorynda ulaǵatty ustaz, Uly Otan soǵysynyń ardageri Seıithan Isaevpen kezdesý ótti, dep habarlaıdy Qamshy aqparattyq agenttigi Habar arnasyna silteme jasap.

 Elbasy Nursultan Nazarbaevqa sabaq bergen Seıithan ata bıyl 100-ge keledi. Ǵasyr jasaǵan ustaz ásker qataryna 1941 jyly alynyp, Batys frontta jaýǵa qarsy soǵysqan. Zaıyby Nurǵaıyn ájeı de qan maıdanǵa qatysqan. Ý-2 ushaǵynda shtýrman bolypty. Soǵystan keıingi ómirin maıdanger shákirt tárbıeleýge arnaǵan.

Qansha jasqa kelse de, ómirde belsendilik tanytyp júrýine jastarmen jıi kezdesip, syrlasyp turýy áser etedi eken.

«Armansyz adam qanatsyz quspen teń. Bul sóz beker aıtylmaǵan. Rasynda, armansyz ómirdiń máni joq. Meniń jasym 100-ge kelse de, armandaýdan jalyqqan emespin. Jastarymyz bilimdi, ónerli, saıasatker, elimizdiń dástúrin, jerin, halqyn, tarıhyn tanystyratyn belsendi kúresker bolsa eken dep armandaımyn», - dep aǵynana jaryldy aqsaqal.

Bes bala ósirip, nemere-shóbereleriniń janynda marqaıyp júrgen qarıany shákirtteri eshqashan umytqan emes.