QR Bilim jáne ǵylym mınıstrligi ǵylym komıtetiniń Seısmologıalyq tájirıbe-ádistemelik ekstpedısıasynyń stansıalary 4-5 mamyrdaǵy bir táýlik ishinde Almatydan 160-794 shaqyrym qashyqtyqta alty jer silkinisin tirkegen, dep habarlaıdy Qamshy aqparattyq agenttigi.

Sputnik Qazaqstannyń málimetine súıensek, bastapqy eki jer silkinisiniń magnıtýdasy 4,4 jáne 4,8, 4 mamyr kúni saǵat 12:52-de jáne 17:00-de Almatydan ońtústik-batysqa qaraı 608 jáne 606 shaqyrym jerde Qyrǵyzstan men Tájikstannyń shekarasynda bolǵan. Kindigi 5 kılometr tereńdikte bolypty. Beısenbi kúni saǵat 22:16-da seısmograftar Tájikstan men Aýǵanstan shekarasynda, Almatydan ońtústik batysqa qaraı 794 kılometr qashyqtyqta qýaty 5,3 bal jer silkinisin tirkegen. Kindigi — 100 kılometr tereńdikte. Juma 5 mamyr kúni 00:23 jáne 05:39-da magnıtýdasy 4,5 jáne 4,3 eki jer silkinisi Tájikstan men Qyrǵyzstan aýmaǵynda, Almatydan ońtústik-batysqa qaraı 622 jáne 160 shaqyrym jerde boldy. Jer silkiný kindigi 5 jáne 15 kılometr tereńdikte.

Jer asty dúmpýleriniń sezilýi týraly aqparat ázirge joq.