Elimizge tanymal megajuldyz, birneshe otandyq kınolardyń rejısery jáne de jalpy jurtshylyqqa "Kelinka Sabına" atymen tanylǵan akter Nurtas Adambaı birneshe jigitterdi qasyna ertip kóshedegi kólik júrgizýshilerine kók tý tútes "Jeńis lentasyn" taratty, dep habarlaıdy Qamshy aqparattyq agenttigi.

"Qazaqstan - bul men!" atty ózindik aksıasyn bastaǵan akter kóshedegi kólikterdiń kópshiligine "jeńis lentasyn" taratyp, "biz Qazaqstan úshin, Qazaqstan jasasyn" dep urandady.

Qasyna ergen bir top jigittermen birge kólik júrgizýshileriniń qolyna lentany ustatyp, "kóligińizge mindetti túrde ilip qoıyńyz, Qazaqstan jasasyn" deıdi.

Sondaı-aq, ol áleýmettik jelide basqa qalalardyń ákimderin Astanadan úlgi alýǵa shaqyrdy.

Esterińizge sala ketsek, ár jyly jeńis kúni jaqyndaǵan shaqta sary ala tústes "Georgıı" lentasy qoǵamda keńinen taralyp, búkil jerde ilinip turatyn. Alaıda bıyl Qazaq eli bul ala lentaǵa qarsylyq bildirip, ózimizdiń týymyz sekildi kók tústes lentany taǵýymyz qajet degen sheshim qabyldanǵan bolatyn.