15-shi qabattan sekirý arqyly óz-ózine qol jumsaǵan 16 jastaǵy boıjetkenniń oqıǵasy boıynsha jańa derekter paıda boldy dep habarlaıdy Qamshy aqparattyq agenttigi Today.kz-ke silteme jasaı otyryp. Qyzdyń anasy Elena Spırına atalmysh oqıǵa boıynsha tilshige suhbat beripti.  

Anasynyń aıtýy boıynsha, qyzy kolejge oqýǵa túsip, aspazshy bolýdy armandaǵan eken.

«Qyzymnyń tiri qalǵanyn qalaımyn. Basqa eshteńe kerek emes. Tósekke tańylsa da aman qalǵanyn qalaımyn. Meni qazir jan saqtaý bólimine kirgizbeýde. Qyzymda stress bolmas úshin. Ol esin jıǵanda meni jáne ákesin aýzyna alypty. Ázirge qyzymnyń jaǵdaıy aýyr» dedi baıǵus ana.

Elena Spırınaǵa polısıa málimdegendeı, qyz sýısıdke barar aldynda hat jazǵan eken. Alaıda polısıadaǵylar ol hatty anasyna kórsetýden bas tartyp otyr. «Siz zardap shegýshi emessiń, bar bolǵany kýágersiz» depti olar. Qyzynyń janyna ne nárse qatty batqanyn bilgisi kelgen ana eń quryǵanda hattyń aýyzsha mazmunyn estisem ǵoı dep armandaıdy. «Ony ne tolǵandyrǵanyn bilsem, oǵan kómekteser edim. Hattyń mazmunyn menen ne úshin jasyryp otyr?» deıdi Elena.

«Myna bir jaıttyń nazarǵa alynǵanyn qalaımyn. Qyzym sońǵy kezde qulaǵyna bir áýen kelip júrgenin aıtqan bolatyn. Fızıka sabaǵy kezinde kýrator qyzymnyń basyn salbyratyp otyrǵanyn baıqap, turýyn ótingen. Qyzym partadan túre kelip, muǵalimine qarasa, muǵalim onyń kózine rep oqyp turǵan bolyp kóringen. Nege olaı bolǵanyn túsinbedim. Shynymen de, ǵalamtor adamnyń mıyn ýlap tastaıdy ma... álde bul jerde mahabbatyń da qatysy bar ma...bilmedim. Degenmen mektep psıhologyna kórinshi dep keńes aıtqanmyn. Mektep psıhology bolsa, qyzymnyń janaıqaıyna qulaq túrmeı, psıhdıspanserge kórinseıshi dep keleke etken. Balaǵa mundaı qarym-qatynas jasaýǵa bolady ma? Maǵan nege eskertpedi?» dep kúıinedi qyzdyń sheshesi.