D. Abaev: Jumys kestesiniń ár ýaqytta bolýy - keptelisti azaıtýdyń tásili

    Gulim Zhaqan
    D. Abaev: Jumys kestesiniń ár ýaqytta bolýy - keptelisti azaıtýdyń tásili

    Aqparat jáne komýnıkasıa mınıstri Dáýren Abaev 2017 jylǵy 1 maýsymnan bastap engiziletin Astana turǵyndarynyń jumys kúni bastalýynyń jańa kestesi jaıly aıtty. 

    «Jumys kestesiniń ár ýaqytta bolýy - keptelisti sheshý tásilderiniń biri. Eger Astana qalasynyń ákimdigi barlyq mekemeler úshin emes, keıbireýleri úshin 10-15 mınýt aralyqpen jumys ýaqytyn aýystyrsa, bul keptelisti azaıtar edi,  tıimdilik artyp, budan    elorda turǵyndary tek utady», - dedi mınıstr, «Habar» arnasynda «Ashyq suhbat» jobasy aıasynda bıliktiń bastamasyna pikirin bildire otyryp.

    Sondaı-aq, Dáýren Abaev qalalyqtardy ákimdiktiń bastamasyn qoldaýǵa shaqyrdy.

     «Men Prezıdenttiń baspasóz hatshysy bolǵan kezimde álemniń kóptegen elderine bardyq. Bul praktıka barlyq jerde bar. Tokıoda, Berlınde. Golandıada jumysshylar tańǵy 6-dan úshke deıin jumys isteıtinin naqty bilemin. Úshte jumystaryn aıaqtaıdy da, kúni boıy bos bolady», - dedi vedomstvo basshysy.

    1 maýsymnan bastap Astana turǵyndarynyń jumys kestesi ózgeretinin atap ótemiz. Shara EKSPO qarsańynda elorda joldarynyń júktemesin azaıtý úshin engiziledi.

    Qurylys kompanıalarynyń jumys kestesin  -   09.00 - 07.00, ónerkásiptik jáne  óndiristik sektor uıymdarymen birlesip qalanyń komýnaldyq qyzmetterin -   09.00 - 07.30,    qarjy ınstıtýttarymen birlesip, halyqqa qyzmet kórsetý ortalyqtaryn  -   09.00 - 10.00, saýda jáne demalys uıymdaryn -   10.00 -10.30, ulttyq kompanıalardy  -   09.00 - 09.30,   sondaı-aq respýblıkalyq basqarý organdary men jergilikti atqarýshy organdarynyń  jumys kestesin -  09.00 - 08.30, bilim berý mekemelerin (kolej  jáne JOO-lar) - 08.00- 10.00-ge deıin ózgertý usynylady.

    Qatysty Maqalalar