Shanhaıdyń halyqaralyq áýejaıy «Pýdýnda» qytaılyq jańa C919 jolaýshylarǵa arnalǵan ushaǵyn synap kórdi, dep habarlaıdy Qamshy aqparattyq agenttigi TASS basylymyna silteme jasap.

Ol alǵash ret kókke kóterildi. Bul ýaqytqa deıin ushaq 118-ge jýyq ushý synaqtarynan ótken, sonymen qatar túrli jyldamdyqta ushaqty basqarý synynan de ótken bolatyn. Pekınde Comac kompanıasy jasap shyǵarǵan bul ushaq Boeing men Airbus kompanıalarynyń ushaǵymen teń dárejede básekeles bola alatyndyǵyna senim bildirip otyr.

C919 ushaǵynyń alǵashqy nusqasy 2015 jyldyń qarasha aıynda Shanhaı qalasynda jasalǵan bolatyn. Al ushaqtyń negizgi jobasy 2008 jyldan bastalǵan. Ushaqty qurastyrý jumysyna 200-den astam kásiporyndar men QHR-nyń 22 aılaǵynan 36 ǵylymı-izdeý ortalyqtary qatysqan.

Ushaqtyń oryndyqtary birneshe nusqada óndirilgen, 158 orynnan bastap 190-ǵa deıin jetedi. C919 ushaǵynyń ortasha ushý qashyqtyǵy 4075 shaqyrym bolsa, maksımaldy qashyqtyq 5000 shaqyrymǵa deıin jetedi eken. Avıalaıner 12 100 metr bıiktikke deıin kóterile alady.

People’s Daily Online basylymy C919 ushaǵy 2018 jyly iske qosylady dep málimdegen bolatyn. Al Comac kompanıasy mundaı modeldi ushaqtardy 100 mlrd dollarǵa baǵalap otyr.

Aýdarǵan: Nazerke Labıhan