Qazaqstan Prezıdenti Nursultan Nazarbaev E.Makrondy Fransıa Respýblıkasynyń Prezıdenti saılaýyndaǵy jeńisimen shyn júrekten quttyqtady dep habarlaıdy Qamshy aqparattyq agenttigi Elbasynyń baspasóz qyzmetine silteme jasap.

«Fransıa halqy Sizge daýys berý arqyly ózińiz jarıalaǵan, eldiń qarqyndy damýyna baǵyttalǵan ózgeristerdi qoldaıtynyn kórsetti. Sizdiń basshylyǵyńyzben Fransıa órkendeý jolynda jańa tamasha tabystarǵa qol jetkizetinine kámil senemin», – delingen jedelhatta.

Memleket basshysy bıyl Qazaqstan men Fransıa arasyndaǵy dıplomatıalyq qarym-qatynastyń ornaǵanyna 25 jyl tolatynyn atap ótti.

«Ózara is-qımylymyz óristep, strategıalyq áriptestik deńgeıine kóterilgenin maqtan tutamyz. Sizben jáne Fransıa úkimetimen ortaq múddeli máseleler jóninde jańashyldyq pen talpynys rýhynda birge jumys bastaýǵa daıynbyz. Jan-jaqty yqpaldastyǵymyz halyqtarymyzdyń ıgiligi úshin odan ári nyǵaıa beredi dep úmittenemin», – delingen jedelhatta.

Sońynda Nursultan Nazarbaev Fransıa kóshbasshysynyń bastamalaryna sáttilik, al fransýz halqyna baq-bereke tiledi.

Daıyndaǵan: Arafat Derbesuly