Dýbaıdaǵy Qazaqstan Elshisi Qaırat Lama Sharıf «EKSPO 2020 Dýbaı» Joǵarǵy komıtetiniń tóraǵasy sheıh Ahmed ben Saıd ál Maktýmmen kezdesti. Sonymen qatar ol «EKSPO 2020 Dýbaı» basshylyq quramynyń búrosyna da qatysty, dep habarlaıdy Qamshy aqparattyq agenttigi QazAqparatqa silteme jasap.
QR Syrtqy ister mınıstrligi baspasóz qyzmetiniń aqparatyna sáıkes kezdesý barysynda qazaqstandyq dıplomat Qazaqstan Premer-Mınıstri Baqytjan Saǵyntaevtyń atynan BAÁ vıse-prezıdenti, premer-mınıstri, Dýbaı basshysy Muhammed ben Rashıd ál Maktým atyna Dýbaıda ótetin Dúnıejúzilik EKSPO-2020 kórmesine resmı qatysatynyn rastaıtyn hatty tapsyrdy.
Ámirlik tarapy Qazaqstan Úkimetiniń tıisti qaýlysymen QR Bilim jáne ǵylym vıse-mınıstri Aslanbek Ámrın kórmeniń qazaqstandyq seksıasyna bas komıssıar bolyp taǵaıyndalǵanyn habarlady.
Q. Lama Sharıf «Qazaqstanda Astanada ótetin EKSPO-2017 kórmesin ótkizýde Ámirliktiń qoldaýyn joǵary baǵalaýda. Osyǵan baılanysty arab tarapyna eń aýqymdy pavılondardyń biri bólingenin» atap ótti.
Sheıh Ahmed Qazaqstannyń Dýbaıda ótetin EKSPO-2020 kórmesine resmı qatysýyn qup aldy, bul sheshim eki el arasyndaǵy baýyrlas qatynastardyń odan ári nyǵaıýy men keńeıýine yqpal etetinin atap ótti.
