Týystarynyń qolynan ajal qushqan balanyń ájesi sottyń ashyq túrde ótýin talap etti.

11 jasar Órken Azamatulynyń ólimi týraly iske qatysty kúdiktiler alqabıler sotynan bas tartty, proses ashyq túrde ótetin boldy, dep habarlaıdy Qamshy aqparattyq agenttigi Sputnik basylymyna silteme jasap.

Sársenbi kúni Qaskeleń qalasynda Almaty oblysy qylmystyq ister boıynsha mamandandyrylǵan aýdanaralyq sotynda Almatyda ógeı balasyn óltirýdi uıymdastyrdy degen kúdikke ilingen áıeldiń isi boıynsha bastapqy tyńdaý ótti.

Sottalýshylar: óltirilgen balanyń ógeı sheshesi Shárıpa Aqberdıeva, onyń balalary — Temir men Aıdana, Temirdiń ógeı aǵasy — Kádirjan Gúlámov. sonymen birge Rýslan Mútálıev. Óltirilgen oqýshynyń anasy men ájesi sottyń jabyq túrde ótýine qarsy ekendikterin málimdedi.

"Qylmyskerlerdi sottaý jabyq túrde ótpeýi tıis dep sanaımyn. Buǵan qarsymyn. Ashyq túrde bolsyn. Búkil Qazaqstan bilsin", — dedi Órken Azamatulynyń ájesi.

Sýdıa Berikjan Baıjúnisov sottyń ashyq túrde ótetinin málimdedi. Basty sot talqylaýy 15 mamyrǵa belgilenip, Qarasaı aýdandyq sotynyń ǵımaratynda ótetin boldy.