Osy basqa ulttyń ókilderi ne istep, qalaı kún kórip jatyr ózi?.. Barlyq jumysty qazaqtar istep jatyr. Qaıda barsam da aldymnan qazaq shyǵady.

Tańda turyp, jumysqa shyqqanda janarmaı beketine soǵamyn.

- «Sizge 92 ma?», - dep qarsy alatyn jigit qazaq. Aqshasyn tóleýge kasaǵa barsam onda da qasy kózi qıylǵan qazaq qyzy. Kishisin balabaqshaǵa, úlken mektepke aparǵanda nemese keshte alarda aýla sypyryp júrgen, eden súrtip júrgender de qazaqtar. Baǵdarshamnyń jasyl túsi janǵanda oılanyp turyp qalsań, sıgnalyn bajyldatyp boqtap ketetin júıkesi juqarǵan júrgizýshi de qazaq. Aıaldamaǵa kelip toqtaǵan avtobýstardyń báriniń shopyry qazaq. - Alty norda, alty norda, alty norda júremiz. Kettik, kettik, kettik,- dep aıqaılap turǵan aqsha jınaýshy da qazaq. Abaısyzda, keıde asyǵyp kele jatyp ádeıi jol tártibin buzsań: Vadıtel avtmabılá nomer a debıtsot dvatsat vosem prava prımı", dep toqtatyp alatyn jol polısıasy qyzmetkeri de qazaq. Nomerińdi bastanabıt etý úshin bılaın sentrge barsań, onda da kileń qazaq qyzdary. Jaryq pen jylýdyń aqshasyn tóleýge bankke barsań onda da qazaq jastary. Shashtarazdardaǵy shash alatyndar da, ákimshiliktegi shash al deseń, bas alatyndar da qazaqtar. Sýhafrýkty satatyn tájikter men koreıskıı salat satatyn qysyq kóz qatyndardy eseptemegende, kók bazardyń ishi-syrty qazaqtar. "Edınısa zagyrrýjybaem, zaggyrrýjyvaem edınısa" dep kúshenip sóılep otyrǵan qaryndastar da qazaqtar. Dıbıdıdiń dıskysyn satyp otyrǵan da bizdiń baýyrlar. Dárihanaǵa soǵyp dári alsań, zadchańa erkińnen tys askarbınka ustatyp jiberip ýhojennyı táteshkalar da qazaqtar. "Qýanysh", "Shattyq", "Mereke", "Bereke" dep kete beretin toıhanalardyń báriniń ıesi qazaqtar. Ondaǵy aspazdan, daıashyǵa deıingilerdiń bári qazaqtar. Pary jaqsy dep obshyı banáǵa barsań, dýshtyń sýyn toqtatpaı ketip júıkeńe tıetin, parda bylqyp terlep, rahattanyp otyratyn kókeshkalar da qazaqtar. Ne kerek, qaıda barsańyz da, qandaı qyzmetti kerek etseńiz de qazaqtar. Qazaqstandaǵy eń sońǵy paıda bolǵan qyzmet túri - trezvyı vodıtel. Sonda qyzmet etetin deni durys júrgizýshiler tutasymen qazaqtar. Baraholkadaǵy órtenip ketken konteınerlerdiń báriniń ıeleri qazaqtar. Ony óshirip júrgen pajarnıkter de qazaqtar. Ony arnaıy tapsyrmamen órtegender de qazaqtar. Órtetkender de qazaqtar. Túnniń bir ýaǵynda bireýmen jaǵalasyp, patrúlge túsip qalsańyz, taq bir qaýipti qylmyskerdi ustap alǵandaı qolyńdy qaıyryp, jaman neksıasyna eki búktep tyǵyp, robqa aparatyn da qazaqtar. Ol jerde biraz ustap jibere salatyndar da qazaqtar. Olarǵa "bizdiń inishek edi ǵoı" dep joǵarǵy jaqtan yzbandaıtyn da qazaqtar. Ákimshilik sotqa barsańyz, sot emes mamań qusap, "qyzmetteriń de táýir eken, ózderiń de áp-ádemi jigitsińder, bularyń ne endi, uıat emes pe" dep aqyl aıtyp otyratyn sýdıa táte de qazaq.  Jerdi satyp jatqan da qazaqtar. Sol jerdi 7 sotıdan bólip, alyp jatqandar da qazaqtar. Sol jerine ádemilep úıdi salyp jatqandar da qazaqtar. Baı da qazaq, kedeı de qazaq. Ál-farabıdiń boıymen Gelenvagendi ańyratyp bara jatqan da, Altyn orda bazary jaqta 1989 jylǵy volgany mańyratyp bara jatqan da qazaq. Ne kerek, bári qazaq. 

Búgin álemniń myqtylaryn sabap jatqandar da qazaqtar. Basqa ulttar qaıda júr? Olar sonda podvalda tyǵylyp ómir súrip jatyr ma?  Osyǵan qarap Qazaqstandaǵy qazaqtardyń kóz mólsherli sanaǵyn jasaýǵa bolady... Biz kóppiz.  P.S. Bizde eki sanaqtyń qorytyndy nátıjesi aýysyp ketken sıaqty.  Resmı málimet saılaýda bılikke daýys bergender 91 paıyzdy qurady deıdi. Al qazaqstandaǵy qazaqtar 65 paıyz deıdi. áı osy eki san kerisinshe shyǵar. Bılekke halyqtyń 65 paıyzy daýys berip, qazaqstandaǵy qazaqtardyń sany 91 paıyzdy quraǵan shyǵar.  Bilmeımin, maǵan solaı kórinedi. Senbeseńiz jan-jaǵyńyzǵa qarańyz. Qalanyń ózinde osylaı. Al, aýyl tutasymen qazaq emes pe. Qazaqtar máńgi jasasyn!

(Facebook-tegi paraqshasynan)