21 ǵasyr tek jańa tehnologıalar emes, sonymen qatar qarym qatynastyń jańa damý kezeńi. Osy oraıda, til bilgenniń úlken artyqshylyqtarǵa ıe ekeni anyq. Qazirgi zamannyń eń ótkir de ótimdi qarýy- til. Qansha til meńgerseń, dál sonsha mádenıet men halyq aınasy ashylatyny taǵy bar.
Elbasymyzdyń úshtuǵyrly saıasatyna sáıkes, aǵylshyn tili Qazaqstan azamatynyń eń birinshi qajettiligine aınalýda. Qazaq tilin ana tili retinde qasterlegen urpaq úshin aǵylshyn tili halyqaralyq qatynas pen dıplomatıanyń eń birinshi quraly retinde ózektiligin arttyrýda.
Abylaı han atyndaǵy qazaq halyqaralyq qatynastar jáne álem tilderi ýnıversıteti «Shetel fılologıasy» mamandyǵyn til úırenýdi aldyna maqsat etken oqyrman nazaryna usynady. Osy jyly 75 jyldyǵyn atap ótken ýnıversıtet respýblıka kóleminde sheteldik bilim berý salasyndaǵy birden bir alma mater bolyp tabylady.
Álem ádebıetin Gomerden bastap búgingi kúnge deıin tereń oqyp úırengisi, basqa halyqtyń mádenıeti men ádet-ǵurpymen tanysqysy, kásibı deńgeıde eki shet tilin meńgergisi keletin kez kelgen adam úshin bul mamandyq keremet múmkindik.
Aǵylshyn fılologıa kafedrasy jas kafedralar qatarynda bolǵanyna qaramastan, tildi súıetin talaı túlekterdi bilim nárimen sýsyndatyp úlgerdi. Kafedra oqytýshylary lıngvısıka salasynda qarqyndy ǵylymı zertteýler jasap júrgen ǵalymdar.
Ár til-erekshe álem. Biz sizderdi osy álemge qýana shaqyramyz!
