Qazaqstandyqtardyń Halyqaralyq Ázirbaıjan bankine salǵan zeınetaqy jınaqtary qaıtarylatyn bolady dep habarlaıdy Qamshy aqparattyq agenttigi kaz.tengrinews.kz taratqan aqparatqa súıenip.

Memleket bankti qutqaryp qalý týraly sheshim qabyldady. Bul týraly Ázirbaıjannyń advokattar alqasynyń múshesi Akram Gasanov málimdegen. Ázirbaıjan úkimeti banktiń qaryzdaryn tólep berý týraly sheshimge keldi. Sondyqtan qazirgi ýaqytta sarapshynyń aıtýynsha, BJZQ-ǵa da, Halyqaralyq bankke qarjy salǵan basqa kompanıalarǵa eshqandaı qaýip tónip turǵan joq.

"Mindetter qaıta qurylymdanǵan soń Halyqaralyq bank taza tabyspen jumys isteıtin bolady. Sondyqtan endi bankte eshqandaı problema bolmaıdy. Olarǵa alańdaýdyń qajeti joq. Qazaqstanda negizsiz shý shyǵyp ketti", - dedi sarapshy Akram Gasanov. 

Eske sala keteıik, osyǵan deıin sarapshy Rahym Oshaqbev BJZQ-nyń ınvestısıalaýyna qatysty pikir bildirgen edi. Onyń aıtýynsha, BJZQ aktıvteriniń 71,3 mıllıard teńgesi Ázirbaıjannyń halyqaralyq bankine salynǵan. "Osylaısha, zeınetaqy aktıvteriniń saqtalýyna qatysty úlken qaýipter paıda bolýy múmkin", - degen edi sarapshy.

Biryńǵaı jınaqtaýshy zeınetaqy qorynyń Ázirbaıjan halyqaralyq bankine salynǵan 71 mlrd teńgesi saqtandyrylmasa, ol joǵalyp ketýi múmkin ekeninen halyq alańdaýly. Sebebi Ázirbaıjan banki syrttan tartylǵan ınvestısıalar boıynsha ótemaqy tóleýdi múldem toqtatqan. Tipti bankrotqa ushyraýy da yqtımal. Mol aqshanyń beı-bereket jumsalǵany týraly alǵashqy dabyldy ekonomıser qaqty.