1981 jyly Dennı Ýelsh qyzmettik tik ushaqtan jerdegi iri jol apatyn baıqap qalady. Óz isine adal dáriger ushqyshqa qonýdy buıyrady dep jazady Qamshy aqparattyq agenttigi.

Kólik júrgizýshisi, áıel men onyń birinshi balasy qatty zardap shekpegen. Al ekinshi qyzy aýyr jaraqattanǵan edi.

Eki jasqa da tolmaǵan Mıssı kóliktiń aldyńǵy terezesinen jolǵa shyǵyp ketken. Ol ýaqytta qyz tynys almaǵan. Mıssıge dereý medısınalyq kómek qajet edi. Qyzy men anasynyń baqytyna oraı, Dennı esimdi dáriger kómekke keldi. Ol óz isiniń naǵyz sheberi. Al onyń qyzmettik tik ushaǵy medısınalyq jabdyqtarmen jabdyqtalǵan bolatyn. Abyroı bolǵanda, qyz qaıta tynys ala bastady. Dárigerler, birinshi qudaı, ekinshi Dennıdiń arqasynda qyzdyń aman qalǵanyn aıtady.

Ýaqyt ótip, qyz eseıip, turmysqa shyqty. Dárigerler Mıssıdiń apatqa baılanysty ishki aǵzasyna zaqym kelgenin jáne sonyń saldarynan bala kótere almaıtynyn jetkizgen. Mıssı sol ýaqytta qatty qınalǵanyn aıtady.

Ana atanýdan kúderin úzgen Messı bir kúni júkti ekenin biledi. Onyń baqytynda shek bolmady. Ol shekesi torsyqtaı uldyń anasy atandy.

Mıssı ózin 36 jyl buryn qutqaryp qalǵan dárigerdi taýyp, alǵysyn bildirýge bekindi. Osylaısha Mıssı men onyń qutqarýshysy kezdesti. Ol ýaqytta Dennı aq shashty, sary tisti qarıa edi. 

Daıyndaǵan: Ásem Álmuhanbet