2017 jylǵy qańtar-sáýir aralyǵyndaǵy JİÓ ósiminiń qarqyny 2017 jyldyń 1 toqsanyndaǵy 3% ósimmen salystyrǵanda 3,7%-ǵa jyldamdatyldy dep habarlady Qamshy aqparattyq agenttigi.

Tutynýshylyq jáne ınvestısıalyq suranys, sonymen qatar JİÓ serpinin saqtaýǵa kómek kórsetken ekonomıkanyń shynaıy sektoryndaǵy ulǵaıtylǵan belsendilik mańyzdy faktorlarǵa aınaldy.

Negizgi kapıtalǵa ınvestısıalar 5,5%-ǵa artty, 7,5%-ǵa deıin jyldyq ınflásıanyń báseńdeýi halyqtyń taza kiristerin 2,4%-ǵa jáne bólshek saýda kólemin 5,5%-ǵa (2016 jyldyń qańtar-sáýir aılarynda 2,3%-ǵa tómendedi) arttyrýǵa yqpal etti. JİÓ oń serpini óndirýshi (7,8%-ǵa)  jáne óńdeýshi  (6,8%) salalardyń, qurylystyń (6,1%-ǵa)  jáne qyzmet kórsetý (1,9%-ǵa) salalarynyń turaqty ósimimen qamtamasyz etilgen.

Taý-ken óndirý ónerkásibi salalarynyń arasynda óndirý boıynsha oń qarqyn baıqalady:

• kómir jáne lıgnıt (18,9% ósim);
• munaı (7,6%-ǵa);
• tabıǵı gaz (13,2% ósim).

Anyqtama:  Ósim Qashaǵan ken ornynda shıki munaı óndirý kóleminiń, «ArselorMıttal Temirtaý» AQ-da, «Bogatyr Kómir» JSHS-de, «EEK» AQ-da (taý-ken jumystaryn damytýdyń bıznes josparyna sáıkes) kómir kólemi jáne «SSTÓB» AQ-da temir keni óndirisiniń ulǵaıtylýymen qamtamasyz etilgen.

Óńdeý salasynyń mańyzdy segmentterinde de oń ózgerister baıqalǵan:

• munaı óńdeý (9,1%-ǵa);
• farmasevtıka (49,7% ósim);
• metal emes mıneraldy ónim óndirisi (5%);
• metalýrgıalyq ónim (8,3%);
• mashına jasaý (3,3%-ǵa).

Agroónerkásip kesheni

Aýyl sharýashylyǵy jalpy óniminiń kólemi 2,9% deńgeıinde saqtaldy.

Esep berý kezeńinde azyq-túlik ónimderi óndirisi 5,7%-ǵa ulǵaıtyldy, al sýsyn óndirisindegi ósim 2,6%-dy qurady.

Qurylys salasy 6,1%-ǵa ulǵaıý arqyly oń qarqyndy saqtap tur.

Qurylys jumystary shıraq qarqynmen júrgizilýde:

• Pavlodar oblysynda (59,5%-ǵa ósim);
• Astanada (19,1%);
• Jambyl oblysynda (12,7%).

Qurylys jumystary kóleminiń ulǵaıtylýy PMHZ-da jańǵyrtýdy jalǵastyrýmen, Aqtoǵaı TKBK-daǵy, Aqtóbe shahtasyndaǵy, turǵyn úıler, mektepter men sport-saýyqtyrý keshenderindegi qurylyspen baılanysty.

Tyǵyz salaaralyq baılanystar, negizinen, ónerkásiptik sektordyń júıe qurýshy salalary qyzmet kórsetý salalaryndaǵy ósimniń jaqsarýyna oń yqpal etedi.

Qyzmet kórsetý óndirisi esep berý kezeńinde 1,9%-ǵa ósti. Saýda, aqparat jáne baılanys salalarynda ósim baıqalýda:

• Jyl basynan beri saýda ósimi 2,4%-dy qurady;
• Aqparat jáne baılanys 2%-ǵa ulǵaıtyldy;
• Kólik jáne jınaý qyzmetteri 3,5%-ǵa ósti;
• Júk aınalymy 5,9%-ǵa ulǵaıtyldy;
• Jolaýshylar aınalymy - 3,2%-ǵa ósti.