Birneshe kúnniń ishinde álemdi ábigerge salǵan Wanna Cry vırýsy Qazaqstanǵa da qaýip tóndirýi múmkin. Bul týraly Aqparat jáne komýnıkasıalar mınıstrligi eskertedi dep habarlaıdy Qamshy aqparattyq agenttigi.
Vırýs shabýylynan soń álem elderi túrli sharalar qabyldaı bastady. Ulybrıtanıa úkimeti kıberqaýipsizdikti kúsheıtýge qosymsha 64 mıllıon dollar bólýge sheshim qabyldady. Aq úıde bul másele eki ret talqylandy. AQSH-tyń ishki qaýipsizdik departamenti azamattarǵa operasıalyq júıelerdi jańartýǵa keńes bergen bolatyn. Resmı derek boıynsha, Qazaqstandaǵy iri kompanıalardyń kompúterleri shabýyldyń qurbany boldy.
Zıandy baǵdarlama Windows operasıalyq júıesimen jumys isteıtin barlyq kompúterdi zaqymdaıdy. Vırýs tórt kúnniń ishinde álemniń túkpir-túkpirinde 10 myńnan astam kompúterdi buǵattap úlgerdi. Aldymen, derekterdi jaramsyz etedi. Alaıaq hakerler ony ashý úshin esepshotqa qomaqty qarjy aýdarýdy suraıdy. Aqsha tólenbese, faıldar múldem joıylýy múmkin. Taldaý jumystarynyń nátıjesinde áleýetti qaýip-qaterlerdiń birneshe kórsetkishteri, sonyń ishinde OJ-da ornatý, tıptik emes jeli belsendiligi, OJ modıfıkasıasy jáne qoldanýshylar deregi men proksı-belsendilik tabyldy. Barlyq quqyqtar qorǵalǵan.
Buǵan deıin de kıberqaýipsizdik salasynyń mamandary búginde WannaCry vırýsynan mıllıonnan astam kompúter zardap shegýi múmkindigin eskertken edi. Eýropol dırektory Rob Wainwright juma kúni Álem boıynsha kıbershabýyldan 150 elde 200 myń kompúterdiń zardap kórgenin, bulardyń kóbi jumys ornyndaǵy, keıbiri úlken kompanıalardyń kompúterleri ekenin málimdegen.
