"Ferǵana" agenttiginiń sarapshylary Qazaqstandaǵy buqaralyq aqparat quraldarynyń kimge, qaı uıymǵa baǵynyshty ekenin ózderinshe anyqtap, tizimin shyǵarǵan. Ol tulǵalar óz esimderin jasyrǵanymen, aıdan anyq dúnıe ekeni halyqqa belgili edi. Alaıda, keı tilshiler Abai.kz Tımýr Qulybaevtyń qaramaǵynda, al DAT qoǵamdyq pozısıa gazetin Bolat Ótemuratovqa tán degen sarapshylar málimetine kúmándanyp, narazylyq bildirdi. Bul aqparatqa qatysty DAT gazetiniń redaksıasy únsiz qalmady. Gazettiń Bolat Ótemuratovqa qatysy bar dep jazǵan «Ferǵana» sarapshylaryn aıyptap, jaýap jazdy. Jazylǵan jaýapty Qamshy aqparattyq agenttiginiń tilshisi qazaq tiline aýdaryp, oqyrman nazaryna usynady.
«Ferǵana» saıtynyń sarapshylary anyqtaǵan bizdiń basylym men qazaq tilindegi «Jas Alash» gazetine qatysty málimetke nazar aýdara otyryp, dat fızıgi, Nobel syılyǵynyń 1922 jylǵy ıegeri Nıls Bordyń myna aforızmin eske túsirýge bolady: «Sarapshy – aýqymy tar salaǵa qatysty meılinshe qatelikterge boı aldyratyn adam». Bul – bir.
Ekinshiden, «Ferǵana» sarapshylarynyń mıllıarder Bolat Ótemuratovqa baǵynyshty etip birneshe aqparat quraldaryn kórsetýi, onyń ishinde elimizde opozısıaly BAQ bolyp tabylatyn «DAT-tyń» bolýy agenttiktiń «jaǵympazdyǵyn» kórsetedi.
Úshinshiden, alǵashqy múmkindikte-aq kez-kelgen basylym óz Iesiniń arqasynan pyshaq suqpas edi. Logıkaǵa kelmeıdi.
Tórtinshiden, eger DAT-qa qandaı da bir uıym qoldaý kóretken bolsa nemese mıllıarder Ótemuratovtyń aqshasyna qarap otyrsa, onsyz da saýsaq sanarlyq qyzmetkerlerin qysqartar ma edi. Búgingi tańda gazette korektormen qosqanda 5 adam jumys jasaıdy, al sizderdiń baǵynyshty qyzmetkerlerińiz – redaksıa shtatyndaǵy jalǵyz orys tildi jýrnalıs.
Besinshiden, DAT redaksıasynda aıyna 50-60 myń tabys tabatyn áltýrıster jumys atqarady. Bizdiń bar tabysymyz jalǵa alǵan keńseniń aqysyn tóleý men baspa jumysyna ketedi. Redaksıanyń jeke qyzmettik kóligi de joq, al gazettiń «bas oqyrmany» Ermurat Bapı keı-kezderi qyzmetkerler úshin «shopyr bala» bolyp jumys isteıdi. Eger DAT Ótemuratovtyń jeke menshigi bolsa, mundaı máselelerdiń týyndaýyna jol bermes edi, tipti qyzmetkerlerdiń aılyǵy 300 myńǵa deıin jeter edi. Alaıda, biz ókinbeımiz. Bastysy, gazet jumysyn jalǵastyrýda jáne suranysqa ıe».
Sondaı-aq, «Jas Alash» jaıynda da aıtyp ótti. Redaksıanyń aıtýynsha, «Ferǵana» eki qaraǵaıdyń arasynda adasyp ketken sekildi. «Jas Alashty» qarjylandyratyn azamattar dep birese «Atameken» ulttyq kásipkerler palatasynyń tóraǵasy Tımýr Qulybaevty, birese QR Májilis parlamentiniń spıkeri Nurlan Nyǵmatýllındi aıtqan.
Taǵy bir aıta keterlik jaǵdaı, QazTAG HAA-ny Tımýr Qulybaevtyń baqylaýynda depti. Tek másele mynda: Qulybaev elimizdegi eń aınalmaly halyqaralyq agenttikke qashan qol suǵyp úlgergen? Onyń naǵyz ıesi Seıitqazy Mataevty bılik túrmege toǵytqan soń ba?
Eń úlken kúdik týdyrǵany «Abai.kz» ınternet-portalyn Tımýr Qulybaevtyń baqylaýyndaǵy basylymdardyń tizimine engizip qoıǵany. Ol basylymnyń táýelsiz sarapshysy, jýrnalıs, Altynbek Sársenbekovtiń seriktesi Aıdos Syrym Tımýr Asqarulynyń qolyna qarap qaldy dep oılamaımyn.
Qorytyndylaı kele, «Ferǵana» sarapshylarynyń saraptamasynan góri, Nıls Bordyń aıtqany shyndyqqa janasady.
Daıyndaǵan: Jumabıke Júnisova
Aýdarǵan: Gúlim Jaqan
