Aqtaýda aýyldyq jerlerde kásipkerlikti damytý máselesi talqylandy
«Atameken» QR Ulttyq kásipkerler palatasynyń Tóralqa Tóraǵasy Tımýr Qulybaev Mańǵystaý oblysynyń ákimi Eraly Toǵjanovpen jáne óńirdegi bıznes-qoǵamdastyq ókilderimen kezdesý barysynda aýyldyq jerlerde mıkronesıeleýdi ulǵaıtýdyń qajettiligin atap ótti.
Jıyn barysynda oblystyń ekonomıkasyn arttyrýǵa áser etetin negizgi máseleler, onyń ishinde aýyldyq jerdegi kásipkerlik taqyryby talqylandy.
Byltyr «Atamekenniń» bastamasymen elimizdiń 6 óńirinde mıkronesıeleý boıynsha qanatqaqty joba iske qosylǵan bolatyn. Atap aıtqanda Almaty, Aqtóbe, Qyzylorda, Mańǵystaý, Jambyl men Qostanaı oblystaryndaǵy kásipkerlikke shaǵyn nesıe berý jobasy júzege asyryldy. Joba Úkimetke tanystyrylyp, onyń nátıjesinde nátıjeli jumyspen qamtý jáne jappaı kásipkerlikti damytýdyń memlekettik baǵdarlamasy ázirlendi.
«ALMEKS» holdıńtik toby, «ERG» men «Qazaqmys» kompanıalary mıkroqarjylandyrý uıymy úshin bir jarym mıllıard teńgeden astam qarajat bóldi. Atalǵan oblystardyń ákimdikteri de sondaı somada qarjy saldy. Jaýapkershiligi shekteýli serikteste olardyń 49% úlesi bar, al 51% Ulttyq kásipkerler palatasyna tıesili», – dep naqtylady Tımýr Qulybaev.
Qarjy resýrstarynan qaryz alýshylardyń negizgi bóligi ósimdik ósirý (21,6%), mal sharýashylyǵy (37,6%) men turǵyndarǵa qyzmet kórsetý (18,2%) salalaryna arnaldy. Qazirgi tańda Baǵdarlama aıasynda 18 mln teńgege deıin nesıe 6% mólsherlememen 7 jylǵa deıin beriledi.Baǵdarlama aıasynda 27 mlrd teńge mıkronesıeleýge bólingen, onyń ishinde 16 mlrd teńge «QazAgro» AQ arqyly isker asyrylady, al 11 mlrd teńge mıkroqarjylandyrý uıymdary arqyly nesıege beriledi.
«Osy jyldyń mamyr aıyna bólingen 3 625 mln teńgeden 676 ótinim 3 296 teńge somasynda qarjylandyryldy, ıaǵnı 91% ıgerildi. Onyń ústine, mıkroqarjylandyrý uıymy jyljıtyn jáne jyljymaıtyn múlik, jer ýchaskesi, aýylsharýashylyǵy tehnıkasyn kepildikke ala otyryp, kepildik saıasatyna jumsaqtyq tanytýda», – dep túsindirdi Tóralqa Tóraǵasy.
Tımýr Qulybaev nesıe berý týraly sheshimdi bıznes ókilderinen turatyn óńirlik keńes qabyldaıtynyn naqtylady.
Óz kezeginde Mańǵystaý oblysy kásipkerler palatasy «Bastau bıznes» oqytý baǵdarlamasyn júzege asyrǵanda «Atameken» MQU» jaýapkershiligi shekteýli seriktestiginde mıkronesıeleýge qatysty kóptegen ótinish túsetinin aıtty. Sondyqtan «Bastau bıznes» jobasyn sátti aıaqtaý maqsatynda «Atameken» MQU» jaýapkershiligi shekteýli seriktestiginiń qor jınaýy qajet. Oblys ákimdigi bul bastamany qoldady jáne «Atameken» MQU» jaýapkershiligi shekteýli seriktestigine qor jınaý máselesin taıaý ýaqytta Ulttyq palatamen zerdeleýge daıyn ekenin jetkizdi.
Kezdesýdi qorytyndylaı kele, Tımýr Qulybaev atalǵan jobanyń sáttiligi men aýyldyq jerlerde mıkronesıeleýdi «Atameken» MQU» JSHS arqyly ulǵaıtý qajettiligin atap ótti.
Tóralqa Tóraǵasy is-sapar barysynda oblystaǵy kásipkerlerdiń ónimderi qoıylǵan kórmege qatysty jáne túıeniń pasterlengen súti men kokteıl shyǵaratyn «W DOS AGARGAN» jaýapkershiligi shekteýli seriktestiginiń jumysymen tanysty. Bul kompanıa osy 2017 jyly ashylǵan. Búginde kompanıada 12 adam jumys isteıdi, bolashaqta olardyń qataryn 200 qyzmetkerge deıin arttyrý kózdelip otyr. Kompanıa taýardy oblys naryǵyna ótkizedi jáne zaýyt óz ónimin Qazaqstanǵa ǵana emes, Birikken arab ámirlikteri men ózgede shet memleketterge eksportqa shyǵarýdy josparlap otyr.
