Ózbekstan men Tájikstan prezıdentteri AQSH samıtine qatysady

/uploads/thumbnail/20170710073203471_small.jpg

Ózbekstan prezıdenti Shavkat Mırzıaev pen Tájikstan prezıdenti Emomalı Rahmon 21 mamyrda Er-Rıadta ótetin Musylman elderi jáne AQSH samıtine qatysady. Bul jaıynda Ózbekstan SİM baspasóz qyzmeti habarlaıdy.

Baspasózdiń dereginshe, memleket basshylary Er-Rıadqa Saýd Arabıasynyń koroli Salman bın Abdýlazız ál-Saýdtyń shaqyrtýymen barady. Mırzıaev munda eki jaqty kezdesýler ótkizbek.

Tájikstan prezıdenti apparatyndaǵy derekkózdiń habarlaýynsha, Emomalı Rahmon samıtte baıandama jasaýy múmkin.

Samıtke Pákistan premer-mınıstri Navaz Sharıf, Aýǵanstan prezıdenti Ashraf Ganı shaqyrtylǵan. Kezdesýge AQSH prezıdenti Donald Tramp qatysady, ol - osy samıt quryltaıshylarynyń biri.

Sholýshy: Gúlim Jaqan

Qatysty Maqalalar