Qazaqstan jańalyqtary sońǵy jańalyqtar Almaty fakúltatıv Elbasynyń «Bolashaqqa baǵdar: rýhanı jańǵyrý» atty maqalasyndaǵy negizgi baǵyttar boıynsha is-sharalar júzege asyryla bastady, dep habarlaıdy Qamshy aqparattyq agenttigi 24.kz-ke silteme  jasap. 

Almaty qalasy ákimdiginde keńeıtilgen otyrys ótip, arnaıy jumys toby men sarapshylar bekitildi. Oǵan memlekettik qyzmetkerler, qoǵam qaıratkerleri, úkimettik emes uıymdardyń ókilderi qatysty.

Qalada bıyl «Týǵan jer» jobasy aıasynda 84 iri shara ótkiziledi. Ol tórt baǵyttan turady: bilim, aımaqtyq mádenıet, týǵan jerge áleýmettik kómek, qalanyń tarıhı derekteri men týrısik áleýetin arttyrý.

 Arman Qyryqbaev, qala ákiminiń orynbasary: – Jańa oqý jylynan bastap mektepterde týǵan ólkemniń tarıhy, ıaǵnı Almaty qalasynyń myńjyldyq tarıhy atty fakúltatıvtik pán engiziletin bolady. Sonymen qatar júıeli túrde oqýshylar arasynda osy qalamyzdyń myńjyldyq tarıhyn bilýge baılanysty túrli dárejedegi saıystar ótkiziletin bolady.

Hankeldi Ábjanov, Sh.Ýálıhanov atyndaǵy Tarıh jáne etnologıa ınstıtýtynyń dırektory: – Týǵan jer degendi tek ózimniń aýylym dep qana uqpaı, ol meniń elim, Otanym, meniń barlyq bolmys-bitimim dep uǵynýymyz kerek qoı. Týǵan jerdiń tarıhyn, onyń patrıotızmin basqa fýnksıalaryn zertteý, nasıhattaý, dáıekteý – bul ǵalymdardyń, mamandardyń mindeti.

Sholýshy: Aıgerim Taýbaı