Elimizde 28 maýsymda ótetin Parlament Senaty depýtattaryn saılaýǵa respýblıkalyq búdjetten 92 mln. teńge bólindi, dep habarlaıdy Qamshy aqparattyq agenttigi khabar.kz-ke silteme jasap. 

Bul qarjy kandıdattardyń teledıdar men radıo, baspasózde aqparattyq nasıhat baǵdarlamasyn baıandaýǵa jáne saılaýaldy is-sharalaryn ótkizýge jumsalady. Bul týraly búgin Ortalyq saılaý komısıasynyń keńesinde aıtyldy.

Senat depýtattaryn saılaýda sheteldik BAQ ókilderi men halyqaralyq uıymdardyń qyzmetin uıymdastyrý sóz boldy. Ortalyq saılaý komısıasynyń tóraǵasy Berik Imashev ekijaqty baılanys ornaǵan shet elderdiń tıisti organdaryna shaqyrý hattary jiberilgenin aıtty.

  Marat Sársembaev, Ortalyq saılaý komısıasynyń múshesi: - Shet memlekettiń, halyqaralyq uıymnyń baıqaýshysyna, sondaı-aq sheteldik buqaralyq aqparat quraldarynyń ókiline bir aýdarmashy óziniń jeke basyn kýálandyratyn qujatyn kórsetken kezde ilesip júre alady. Ekinshi tarmaq: shet memleket, halyqaralyq uıym baıqaýshysynyń qosa berilip otyrǵan saýalnamasynyń mátini bekitilsin. Úshinshi tarmaq: shet memleketterdiń, halyqaralyq uıymdar baıqaýshylaryn akredıtteýdi júrgizý 2017 jylǵy 12 maýsymda aıaqtalsyn.

Sholýshy: Aıgerim Taýbaı