Memleket basshysy Ulybrıtanıa jáne Soltústik Irlandıa Birikken Koróldiginiń Premer-Mınıstri Tereza Meıge Manchester qalasynda bolǵan terrorlyq aktige baılanysty kóńil aıtý jedelhatyn joldady, dep habarlaıdy Aqordanyń baspasóz qyzmeti.

Jedelhatta «Manchester Arena» stadıonyndaǵy jarylystar saldarynan kóptegen adamnyń qaza bolǵany týraly habardy Nursultan Nazarbaevtyń zor kúızelispen qabyldaǵany aıtylǵan. Búginde terorızmniń etek alýy barlyq memleketter úshin ortaq qaýip-qaterge aınalyp otyr. Qazaqstan halyqaralyq qaýipsizdikke qater tóndiretin terorızm men ekstremızmniń kez kelgen túrin qatań aıyptaıdy.

«Búkil Ulybrıtanıa halqyna, qaıǵyly oqıǵa qurbandarynyń otbasylary men jaqyndaryna Qazaqstan halqynyń jáne jeke ózimniń atymnan qaıǵylaryna ortaqtasyp, kóńil aıtamyn. Zardap shekkenderdiń tezirek saýyǵyp ketýine tilektespin», - delingen jedelhatta.

Sholýshy: Gúlim Jaqan