Ońtústik Qazaqstan oblystyq prokýratýrasynyń aldynda ózin órtegen kásipker sottaldy. Shymkent qalasyna qarasty Ál-Farabı aýdandyq soty 47 jastaǵy Nurken Aınabekkovty kináli dep taýyp, úsh jylǵa shartty jaza taǵaıyndady, dep habarlaıdy Qamshy aqparattyq agenttigi QazAqparatqa silteme jasap.

Sot otyrysy barysynda Nurken Aınabekovke Qylmystyq kodekstiń  4- baby boıynsha aıyp taǵyldy. İsti qaraǵan sýdıa Erkebulan Tóleshov kásipkerdi Qylmystyq kodekstiń  190-baby («Alaıaqtyq»), 411-baby («Sýdıaǵa, alqabıge, prokýrorǵa, sotqa deıingi tergep-tekserýdi júzege asyratyn adamǵa, sarapshyǵa, sot prıstavyna, sot oryndaýshysyna jala jabý), 385-baby («Jalǵan qujattardy qoldan jasaý, daıyndaý nemese ótkizý») boıynsha aıypty dep tanydy.

Aıta keteıik, Nurken Aınabekovke qatysty sot otyrysy ótken  jyldyń jeltoqsan aıynda bastalǵan bolatyn. Alaıda, kásipker ózin aıyptaýshylarǵa ashýlanyp, ózin óltirmek bolǵan. Ol sot otyrysyna barýdyń ornyna oblystyq prokýratýra ǵımaratynyń aldyna kelip, ózin órtep jibergen edi. Abyroı bolǵanda sol jerdegi qyzmetkerler jalyndy sóndirip, jedel járdem shaqyrtqan. Mundaı qadamǵa kásipker qatty ashýlanǵan soń barǵanyn aıtqan. Iaǵnı, ol birneshe jyl buryn ákimdik tapsyrysy boıynsha ambýlatorıa salyp, nysandardy tapsyrǵanymen aqshasyn ala almaı, san sıpap qalǵan. Sodan beri polısıa, prokýratýra men memlekettik kiris departamentiniń qyzmetkerlerine talaı shaǵym jazǵanymen, moıyn burǵan eshkim bolmapty. Kerisinshe kásipkerge 4-bap boıynsha qylmystyq  is qozǵaǵan. Ádildik izdep tappadym dep ashynǵan ol  aqyry osylaı óz ómirimen qoshtaspaq boldy.

Denesiniń 60 paıyzyn kúıik shalǵan soń, óńirdiń ishki ister qyzmetkerleri «sýısıdke ıtermeleý» baby boıynsha qylmystyq is qozǵaǵan edi. Ol aýrýhanadan shyqqan soń sot otyrysy qaıta jalǵasyp, kásipkerge qatysty sot úkimi shyqty.