Kókshetaýda osydan úsh kún buryn mektep oqýshysy joǵalǵan bolatyn. 13 jastaǵy qyz úsh kúnnen soń tastandy úıden tabyldy dep habarlaıdy Qamshy aqparattyq agenttigi Sputnik Kazahstan-ǵa silteme jasap.
Aleksandra Tkachenko 23 mamyr kúni úıden shyǵyp joǵalyp ketken. Onyń joǵalǵandyǵy týraly málimet polısıaǵa 24 mamyrda túsken.Oblystyq İİB-sy joǵalǵan qyzdy izdeý jumystaryna barlyq tótenshe qyzmetterin jumyldyrylǵan.
İzdeý jumystary kezinde oqýshy qyz tastandy úıdiń ishinen tabylǵan. №6 mekteptiń 5-synyp oqýshysy óz apasymen birge turǵysy kelmeı úıden qashyp ketken.
«Buǵan deıin de qyz birneshe ret úıden qashyp ketip otyrǵany belgili boldy. Qazir ony arnaıy mektepke kóshirý týraly másele qarastyrylýda»-deıdi polıseı qyzmetkerleri.
