Qanat Islam men Janqosh Turarov salmaq ólsheý rásiminen sátti ótti, dep habarlaıdy Qamshy aqparattyq agenttigi.

Bul týraly Qanat Islamnyń PR-menedjeri Berik Sultan Feısbýk paraqshasynda jarıalady.

«Qanat Islam men Norberto Gonsalestiń salmaq ólsheýi ótti. Barlyǵy oıdaǵydaı. Erteń azanda «Qazaqstan» arnasyn 6:00-de qosyp, Qazaqqa jankúıer bolyńyzdar!», dep jazdy ol.

Sondaı-aq, Janqosh Turarovtyń da salmaq ólshegeni týraly pikirin qaldyrdy.

«Qazaqtyń batyry Janqosh Turarov ta salmaq ólsheý rásiminnen sátti ótti. Daıyndyǵy keremet. Jeńis kútińizder!», - delingen jelidegi paraqshasynda.

Eske sala keteıik, Qanat Islam óziniń kezekti jekpe-jegin 26 mamyrda Boka-Ratonda (AQSH, Florıda shtaty) ótkizedi. Onyń qarsylasy - meksıkalyq Norberto Gonsales (23-8, 13 KO). Bul jarysqa birinshi orta salmaqtaǵy WBO NABA jáne WBA Intercontinental tıtýldary tigiledi.

Al Janqosh Turarov jartylaı orta salmaq dárejesinde meksıkalyq Gýstavo Garıbaımen qolǵap túıistiredi.

Sholýshy: Gúlim Jaqan