Elimizdegi jat aǵymnyń biri ıegova kýágerleri. Atalǵan uıym memleketti de, medısınany da moıyndamaıtyn, óz zańy bar qaýipti uıymnyń biri. Alaıda memleket tarapynan qansha tyıym salynsada shyrmaýyqtaı shyrmalyp, qarmaǵyna túskenderdi ońaıshylyqpen bosatpaıdy.

Sonyń biri almatylyq jigit Aqylbek. Ol 2013 jyly qaladaǵy kolejderdiń birinde oqyp júrip, jat aǵymnyń jeteginde ketken dep habarlaıdy Qamshy aqparattyq agenttigi Nur.kz portalyna silteme jasap.

«Jazdy kúni ımamdar otyrǵan bólmege úsh qazaq azamaty kelip, kómek surady. Aıtýlarynsha, «Aqylbek» esimdi inileriniń qulaǵy estimeıdi eken. Sony paıdalanǵan ıegova kýágerleriniń músheleri, oǵan qol qımyly arqyly ıslam dinin jamandap, ózderine múshelikke kirgizip alǵan», - deıdi Almaty qalasyndaǵy ortalyq meshittiń naıb ımamy Nurmuhammed Imınov.

Iegova kýágerleriniń músheleri Aqylbekti kolejine izdep baryp aınaldyrǵan. Olar bozbalaǵa «musylmandar – kisi óltirgish, lańkes» dep kózin baılaǵan. Tipti, ony sendirý úshin qurandaǵy súreniń 18 aıatynan mysal da keltiredi. Onda: «Sóıleı almaıtyn, qulaǵy estimeıtin jáne kózi kórmeıtinder Allaǵa oralmaıdy. Qara, Alla qandaı qatygez, múgedekter esh ýaqytta oǵan bara almaıdy dep» arbaýlaryna túsirgen.

Aqylbek ıegovaǵa kirmes buryn meshitterdiń birine baryp, osy ras pa dep suraǵan. Alaıda ımamdar onyń qol qımyly arqyly qoıǵan suraǵyn túsinbeı, jaýapsyz ketken jigit ıegovaǵa múshelikke kiredi.

Keıin bári anyqtalǵannan keıin ımamdar Aqylbekti bir aptada ıslam dinine qaıtarǵan.

"Anasy men baýyrlarynyń ótinishinen soń biz Aqylbekpen saǵattap áńgimelesý júrgizdik. Kóbinshe jazba túrinde. Osy jerde biz ıegovalyqtar teris pıǵylmen qoldanǵan súreniń de syryn ashtyq. Ol bylaı: «Alla kózi kórip, qulaǵy estip turyp, júregimen ony qabyldamaǵan jandy ózine qabyldamaıdy. Bul jerde adamnyń múgedektigi emes, onyń jan dúnıesi jaıly aıtylǵanyn táptishtep túsindirdik. Aqylbek Allanyń 99 esimimen tanysyp, onyń sheksiz qudiretin, keshki namazdyń qasıeti týraly estigende óziniń týra joldan taıǵanyn bilip, ıslam dinine qaıta oraldy. Aqylbekti týra jolǵa salý úshin 20 bet jazý jazdyq», - deıdi naıb ımam.

Islam dinine oralǵan Aqylbek meshittegi merekelerge jıi kelip turady. Týǵan dininen bezbes úshin qalanyń bas ımamy oǵan quran men ıslam jaıly jazbalar syıǵa tartypty.