Jaratqan jup-jubymen támam zatty,

Taratqan er-áıelden adamzatty.

Bir kúni ashýlanǵan erkek baıǵus,

Taıaqpen óz qatynyn sabap jatty.

Bolsa da áıel zaty sál kináli,

Kórgender jón kórmedi dál mynany.

Bir ǵalym aqyl aıtty: "Eı, baýyrym,

Taıaqpen adamdy emes, maldy urady.

Bolsa da keıbir sózi zapyran, ý?

Qatyn sabaý - saýaptan qapy qalý.

Áıeldi túzeıtuǵyn jaqsy soqqy

- Ústinen taǵy da bir qatyn alý".

Jadyrap jany birden jabyrqaǵan,

Aınymaı aqsha beti aq ulpadan:

Ne deısiz? Sózińizdi uqpadym, - dep,

Álgi erkek júz tanytty tańyrqaǵan.

Qutylý jolyn izdep odan ońaı,

Jaýapty áıel tapty soǵan oraı:

Sózin tyńdap qaıtesiń aqymaqtyń,

Sabaı ber, - dedi erine, - meni aıamaı.

P.S.

Shyǵatyn bul qıssadan qorytyndy:

Bolady jaqsylyqtyń joly túrli.

Úılený shama jetse tórt áıelge

- Baqyttyń tóte joly eń utymdy.

Erlerdiń bir áıelmen kóbi júdep,

Kúnáǵa selt etpeıdi óli júrek.

Alaıda ımany álsiz áıelderge,

Jan bergen baı bergennen jeńilirek.