Zulymdyǵymen tanylǵan Irak ámirshisi Hajjaj ıbn Iýsýftiń shólge shyǵýǵa kóńili aýyp saraıynan shyǵyp ketedi dep jazady Qamshy aqparattyq agenttigi mazhab.kz-ke silteme jasaı otyryp. Nókerleri shatyr tigip, Hajjaj tórge jaıǵasady. Aldyna túski asy keledi. Kenetten shatyrdyń tusynan ótip bara jatqan bádáýıge kózi túsip:

«Ýa, Bádáýı! Kel beri! Dámnen aýyz tı!» dep aıqaılaıdy.

 Bádáýı shatyrǵa kirip:

«Senen qurmetti bireý shaqyrǵan edi. Sonyń shaqyrýyn qabyl aldym. As ishpeımin» deıdi.

Hajjaj tańdanyp:

«Ol kim?» dep suraıdy.

 Bádáýı:

 «Qudireti kishti Alla Taǵala! Maǵan búgin oraza usta dep shaqyrtty. Men onyń buıryǵyn buljytpaı búgin oraza ustadym» dep jaýap qatady. 

-Dál osyndaı kúıip turǵan ystyqta ma?

-Men, bul kúnnen ystyq bolatyn kúnge daıyn bolýy úshin oraza ustadym. 

-Olaı bolsa, búgin aýzyńdy ashyp jiber! Nápil oraza emes pe?! Erteń qazasyn óteı salasyń. 

-Ámirshi, erteń ómir súretindigime kepildik bere me eken?

-Joq. Bere almaımyn. 

-Olaı bolsa, erteńginiń isin búgin bolsyn dep nege suraısyń?

-Bizdiń asymyz óte dámdi. Til úıiredi. 

-Ýallahı! Asyńdy dámdi etip otyrǵan naýbaıshyń da emes, aspazyń da emes. Asyńdy dámdi etken densaýlyǵyń! 

Hajjaj: «Ýallahı! Búgingideı kún basymnan ótken emes. Mynany shatyrdan alyp ketińder» dep nókerlerine buıyrǵan eken. 

Daıyndaǵan: Ásel Óteshova